Iaz mailaz jaitsi zen Euskadiko gazte mailako taldea, eta, beraz, Kopa Txapelketan lehiatu da, beste bederatzi selekziorekin batera. Euskadik bere multzoko Melilla, Errioxa, Murtzia eta Kantabria gainditu zituen lehen fasean eta, finalean, Galiziari irabazi zion, 23-21.
Iñaki, golegile nagusia
Esan bezala, txapelketako golegile nagusia izan da Iñaki, 24 golekin. Iñaki ezkertiarra da eta hegalean jokatzen du. Aurten laugarren denboraldia betetzen ari da Eibarko Arrate taldean. Euskal Ligan, momentuz, hirugarren postuan dago Arrate, Bidasoa eta Askartzaren atzetik .
Hau ez da Euskadirekin jokatu izan duen lehen aldia: orain dela bi urte, kadete mailako selekzioarekin, bigarren postua eskuratu zuen Iñakik Espainiako Txapelketan, Torreviejan.