Zapatuan hasiko dira jaiak. 11:00etan meza nagusia egongo da San Anton auzoko ermitan eta ondoren hamarretakoa egingo dute hurbiltzen diren guztiek. 12:00etan, etxafuegoak eta susko erroberak jaurtiko dituzte eta 13:00etan, berriz, txikiteoa egongo da auzoan barrena. Arratsaldean Nazioarteko XVII. Mus Txapelketa jokatzeko aukera izango dute izena ematen duten guztiek. Zubiberri sagardotegian izango da, 16:00etan, eta izena egunean bertan eman beharko da. 19:00etan txikiteoa egongo da ostera, eta 21:00etan, afari herrikoia.
Domekan, krosa
Domekan, 08:00etan jarraituko du jai giroak. Orduan joko dute diana, kanpai eta etxafuego hotsez lagunduta. 11:00etan, meza nagusia egongo da, Umore Ona taldeak abestuta eta 12:00etan, Nazioarteko 26. Krosa. Korrikalariek 7,5 kilometro egin beharko dituzte. 12:00etan herri kirolak eta dantza saioa egongo da Ikastolako Dantza taldearekin eta 13:00etan, umeendako jolasak egongo dira jaiei amaiera emateko.