Hasiera flamenkoa
Taldearen musikaren hasiera flamenkoa da, eta hortik aurrera mundu musikalaren edozein esparrutik igarotzen dira: sevillana-billy, rock, rap edota bossa. Armonia eta eskala liluragarriak, eta neurri fresko eta ia ezezagunak eskaintzen dituzte.
Emagalduen eta musikarien, flamenko-kantarien eta toreatzaileen istorioak kontatzen dituzte, bai eta ehundaka txiste eta milaka erokeri ere.
Mártires del Compás sei kidek osatzen dute:
- Chico Ocaña (ahotsa).
- Manuel Soto (gitarra flamenkoa).
- Julio Revilla (gitarra akustikoa eta elektrikoa).
- Jesús Díaz (baxua).
- Alberto Alvarez (perkusioa).
- Rocío Vázquez (koruak).
Talde sevillarrak bost disko kaleratu ditu orain arte:
- "Flamenco Billy" (1995).
- "Prohibido dá el cante" (1996).
- "Al compás de la llaga dolorida" (1998).
- "Mordiendo el duende" (2000).
- "Empaquetado al vacío" (2002).
Berriro estudioan sartu aurretik, azken lana aurkezteko egiten ari diren girako azken kontzertua izango da beraz Bergarako Jam aretoan emango dutena.