Oihulari Klown eta Trokolo antzerki taldeek elkarlanean egindako lana da De profesión: Princesa. Caléndularen Isabel Aisa eta Muxutrukaren Raquel Imaz ibilkerak ezagutuko ditugu, Virginia Imazen gidoian oinarrituta.
Ipuin klasikoetatik kanpo
Caléndula eta Muxutruka lanik gabe geratu dira. Lanean ziharduten azkeneko ipuinetik, Mari Errauskinetik, bota egin dituzte. Badirudi, gaueko hamabiak jo eta Mari Errauskinek zapata galdu zuenean, jauregi hartan zeuden gonbidatu guztiek zapata bana kendu eta dantza leku erdi-erdira bota zituztela. Gertakari horren errua Caléndula eta Muxutrukarena izan ei zen. Hori dela eta, ipuin horretatik bota egin zituzten, eta langabezian daude, beste ipuin klasiko batean noiz parte hartzeko zain. Sarrera arrunta 6 eurotakoa da, 26 urtetik beherakoenak 4,5 euro balio ditu, eta 17 urtetik beherakoenak, berriz, 2 euro.