Liburuan erretiratuen elkarteak izan duen ibilbidea jasotzen da, 1972an Aitonak elkartea sortu zutenetik gaur egunera arte. Xabier Ibartzabal medikua Donostiako Matia Fundazioan dihardu lanean. Egileaz gain, Juan Luis Madrazo Diputazioko ordezkaria, Victoriano Gallastegi alkatea eta Imanol Sorondo apaiza egotekoak dira ostiraleko aurkezpenean.
Artxiboak eta ahozko testimonioak
Informazioa eskuratzeko orduan, artxiboetara eta ahozko testimonioetara jo du egileak. Alkartu Naik Aitonak elkartea sortu zuen, eta orduko egoera politiko eta sozialetik abiatuta, erretiratuek herrian izan duten zereginaren berri ematen da liburuan. Gaur egun San Joxepek egiten duen lana ere jasotzen da. Ibartzabalek zera dio: Lan horren guztiorren testigantza jaso nahi izan dugu, jendeak erretiratuen zereginaren berri izan dezan.
Bost eurotan salgai
Testuarekin batera liburuak hainbat erretratu ditu. Hasiera baten liburuaren 1.500 ale kaleratu dira eta 5 eurotan jarriko da salgai. Ostiraleko aurkezpen ekitaldian eta ohiko tokietan erosi ahal izango da.