"Giro jator eta alaia" izan dela andramaixetan adierazi du Kultura zinegotziak

 Aretxabaleta

"Giro jator eta alaia" izan dela andramaixetan adierazi du Kultura zinegotziak

"Pozik" agertu da Joxe Migel Uribarren kultura zinegotzia andramaixek eman dutenarekin eta nabarmendu ditu ekitaldietan izandako "parte-hartze handia" eta taldeen "maila altua". Arrakasta horretan lagun izan diren hainbat elkarteri eskerrak eman gura izan dizkie, besteak beste, Gazte Ekimenari, txistulariei, abesbatzari, UDAri, ikastetxeei eta udaltzaingoari.

Jaiak 2016: Aretxabaletako Andramaixak

 Aretxabaleta JAIAK

Andramaixei amaiera borobila eman diete aretxabaletarrek

 Aretxabaleta GAURKOAK

Paella-jana, koadrilen arteko jolasak eta Rockalean kale-kontzertua izan ziren eguneko hitzordu nagusiak sokamuturrarekin batera. Gainera, sokamuturrarik gabeko jaiak ere aldarrikatu zituen talde gazte batek, herriko plazan.

Rockalean taldearen emanaldia

  Kultura  Aretxabaleta

Atzo iluntzean, Rockalean musika taldearen doinuek girotu zituzten Aretxabaletako kaleak. Jende ugari bildu zen musikariekin batera kantuez gozatu eta abesteko.

»» Ikusi argazki guztiak (9)

Ausart zezenaren aurrean

  Kultura  Aretxabaleta

Aretxabaletako Durana kalea zezen plaza bilakatu zen atzo arratsaldean. Jende ugari bildu zen sokamuturra ikustera, baita beldurrak alde batera utzi eta zezenaren aurrean jartzera ere.

»» Ikusi argazki guztiak (23)

Kuadrillen arteko jolasak

  Kultura  Aretxabaleta

Hamabi kuadrilla animatu ziren jokoetan parte hartzera. Tranparen bat edo beste tarteko, irabazteko amos lehiatu ziren. Hori bai, umorea, algara eta ondo pasatzea helburu nagusi zituztelarik. Hamasei urtetik gora irabazle izan zen taldeak, 300 euroko saria jaso zuen, eta hamasei urtetik beherako kuadrilla garaileak berriz, 100 euro eskuratu zituen.

»» Ikusi argazki guztiak (21)

Paella, herri bazkariko protagonista

  Kultura  Aretxabaleta

Goizeko lehen orduan herriko plazan bazkaltzeko lekua hartu eta gero, eguerdian, lerro luzea osatu zen Durana kalean zehar paella eskuratzeko. Jatekoa eta edatekoarekin, umore onez bildu ziren mahaiaren bueltan familia eta kuadrillak.

»» Ikusi argazki guztiak (26)

Jolas ugari eta gauean kabareta, umeen egunean

 Aretxabaleta

Haurren eguna borobiltzeko, orotariko ekintzak izan zituzten atzo Aretxabaletako gaztetxoek. Gauean, Mouling Rougeren omenez, koreografia koloretsu eta kantu ezagunez osatutako ikuskizunaz gozatzeko aukera izan zuten herriko plazan.

"El gran musical de Paris"

  Kultura  Aretxabaleta

Mouling Rougeren omenez, koreografia koloretsu eta kantu ezagunez osatutako ikuskizunaz gozatzeko aukera izan zuten, atzo gauean, Aretxabaletako herriko plazan.

»» Ikusi argazki guztiak (16)

Txokolate jana, tailerrak eta gazte parkea

  Kultura  Aretxabaleta

Haurren eguna borobiltzeko, orotariko ekintzak izan zituzten atzo Aretxabaletako gaztetxoek. Txokolatea edanez eman zioten hasiera arratsaldeari. Ondoren, pultserak, aurpegia margotzea... bezalako tailerreak egiteko aukera izan zuten. Azkenik, puzgarri ezberdinez osatutako gazte parkean aritu ziren lagun artean jolasean.

»» Ikusi argazki guztiak (30)