Jaiak 2016: Aratusteak Debagoienean

 Debagoiena JAIAK

AUKERATU ARATUSTEETAKO ARGAZKIRIK ONENA

 Debagoiena

Herritarrek bidalitako Aratusteetako argazkien artean aukeratu gustukoena. Boto gehien jasotzen dituen argazkiaren egileak Goienako urtebeteko bazkidetza lortuko du (Puntua etxean astero eta beste hainbat deskontu eta abantaila). Egubakoitzean 12:00etan amaituko da botoa emateko epea.

»» Ikusi argazki guztiak (26)

Aratusteetako kontzertua

  Kultura  Bergara HEMEN DEBAGOIENA

Batukada eta musikarekin dantza, Aratusteak agurtzeko Bergaran

 Bergara

Euriak baldintzatu zuen Bergaran ere Aratusteetako azken eguna. Dena dela, umorez hartu zuten bergararrek, eta askok mozorrotuta agurtu zuten festa. Batukada herrikoia frontoian egin behar izan zuten. Plazara bertaratutakoak DJ Amaia Txintxurretak jarri zituen dantzan, eta Mizpirualde egoitzakoak Asier Castrok. 

»» Ikusi argazki guztiak (21)

Bikingoek Oñatiko kaleak inbaditu dituzte

 Oñati

Atzo, martitzena, ospatu zituzten Inauteriak Elkar Hezin eta ikasle zein irakasleak bikingoz mozorrotu ziren. Ateri zegoela aprobetxatuz, ikastetxetik atera eta herriko kaleetan zehar ibili ziren, kalejiran.

»» Ikusi argazki guztiak (5)

Bergarako San Martin Agirre eskolako Aratusteak, ikastetxean bertan

 Bergara

Kalera irtetekoak ziren atzo arratsaldean San Martin Agirre eskolako ikasleak, mozorrotuta, ohi bezala ibilbidea egiteko asmoz. Euriak ez zien aukerarik eman, ordea; hori bai, mozorroak jantzita eskolan bertan ospatu zuten Aratuste-martitzena.

»» Ikusi argazki guztiak (19)

Sardina erreta, datorren urtera arte agurtu dituzte Aratusteak Arrasaten

 Arrasate

Urtero moduan, SUDC elkartearen eskutik sardinaren hileta egin zuten Aratusteei amaiera emateko. Nafarroa etorbidetik irtenda, hileta segizioak Herriko Plazan amaitu zuen ibilbidea sardina bertan erretzeko. Euri apur bat egin arren, sardinak inongo arazo barik hartu zuen su. Datorren urtera arte! 

»» Ikusi argazki guztiak (16)

Euskal mitologiaren bueltan mozorrotu dira Urgainko ikasleak

 Oñati

Euskal mitologia izan da Errekalde-Urgainen hartu duten gaia aurtengo Inauteriak ospatzeko eta gai horretako ezaugarri bat hartu du maila bakoitzak mozorroa prestatzeko. Egubakoitzean mozorrotu ziren hango ikasle eta irakasleak.

»» Ikusi argazki guztiak (12)

Musika estilo ezberdinak irudikatuz agurtu dituzte Aratusteak Aramaion

 Aramaio

San Martin eskolan Aratuste-martitzena ospatu zuten atzo. Musika estiloak irudikatu zituzten neska-mutikoek; maila bakoitzak musika estilo bat hartu eta horren inguruko erakustalditxoa egin zuen. Mexikarrak, tuna, txaranga xelebrea, heavyak... izan ziren frontoian, gurasoen eta senideen txalo artean. Ondoren, txokolate beroa izan zuten eskolan.

»» Ikusi argazki guztiak (44)

Aratxabaletako eskoletakoak ere mozorroa soinean

 Aretxabaleta HEMEN DEBAGOIENA

Aratuste-martitzenean flashmoba egin dute Aretxabaletako Kurtzebarri eskolako eta Arizmendi ikastolako neska-mutikoek.

Kukumarroak, Eskoriatzako Aratusteen berezitasuna

 Eskoriatza HEMEN DEBAGOIENA

Eskoriatzan ohitura berezia da. Lehengo basajaunak irudikatzen dituzte kukumarroek. Kristautasunaren aurretik basoan bizi ziren horiek. Kukumarroen gainean gehiago, erreportajean.

Euri azpian korrika eta gupida barik aritu dira kukumarroak umeen atzetik

 Eskoriatza

Eguraldia ez dute lagun izan gaur Eskoriatzako kukumarroek, baina ala eta guztiz ere, ume ugari hurbildu da herriko plazara hauei zirikatzera. Hiru kukumarro kultura etxetik irten dira puztutako txerriaren puxikarekin, eta hara eta hona ibili dira umeen atzetik, gupida barik.

»» Ikusi argazki guztiak (21)

Aratusteak ederto ospatu dituzte Arrasate Herri Eskolan ere

 Arrasate

Arrasate Herri Eskolako Bedoñabe gunean arratsaldean egin dute Aratuste-martitzeneko ospakizuna. Euria dela-eta, jolastoki estalian egin behar izan dituzte dantzak. Denetariko mozorroak dantzan jarri dituzte, kanpotik une mugikorrarekin betikotzen aritu diren senideen gozamenerako. 

»» Ikusi argazki guztiak (23)

Mozorroak dantzan jarri dituzte Arizmendiko gaztetxoek

 Arrasate

Urteroko ohiturari eutsiz, Aratuste-martitzenean bereziki gurasoei zuzendutako dantza ikuskizuna egin dute Arizmendi Ikastolako Gazteluondo gunean. Aurten ere, euriak eraginda, kantxa estalian ospatu behar izan dute festa. Jaialdiko une gorenetako bat izan da ikasle batek breakdance saioa egin duenean, bakarka; txalo zaparrada itzelak jaso ditu, eta ez zen gutxiagorako. 

»» Ikusi argazki guztiak (21)

Eskoriatzako ikastetxeen Aratuste jaialdia bikain joan da

 Eskoriatza GAURKOAK

Arizmendi eta Luis Ezeiza ikastetxeetako ikasleen Aratuste jaialdia izan da goizean Eskoriatzako Joseba Iñurrategi frontoian. Guztira, 320 haur inguru batu dira, eta taldetxotan banatuta hainbat dantza egin dituzte txikienetatik hasi, eta nagusienera arte. Hainbat gai jorratu dituzte, eta argi eta garbi ikusi da oso ondo prestatu dituztela dantzak, izan ere bikain egin dute guztiek.

Eskoriatzako ikastetxeetakoak ere mozorrotu dira

 Eskoriatza

Eskoriatzako eskolak zein ikastolak batera ospatu dute Aratuste-martitzena. Euskal Aratosteak, sorginak, ametsen lapurrak, sukaldariak… neska-mutikoen eta irakasleen irudimenetik jaiotako mozorro koloretsuek dantzaz jantzi dute lepo zegoen Joseba Iñurrategi pilotalekua. 

»» Ikusi argazki guztiak (15)

Txikienek disfrutatu zuten gehien Elgetako Aratusteetako egubakoitzean

 Elgeta GAURKOAK

Mozorro desfilean traktorearen atzetik joan ziren eskolako gaztetxoak kalejiran, bakoitzak bere gustuko mozorroa jantzita. Herri eskolatik plazarainoko bidea egin ondoren, ikasleek eta irakasleek hainbat dantza egin zituzten, eta mozorroak soinean zituztela gustura aritu ziren.

Irudimenak hegan egin du Aretxabaletan

 Aretxabaleta

Debagoienean Aratuste-zalea den herririk bada, hori Aretxabaleta da. Aratuste-domekako kalejirako irudiak ikustea besterik ez dago ondorio horretara iristeko: kolorea, irudimena eta mozorroak zein karrozak egiteko ilusioa urtez urte mantentzen dute.

Arrasatearren erantzun olinpikoa Aratusteetan

 Arrasate

Askotariko mozorroak eta karrozak ikusi ahal izan dira Aratuste-zapatuko desfilean. Iazko kuadrilla irabazleak, aurten "Arrasateko Hypster batzordea" moduan aurkeztu denak, egin du pregoia: "Gu ekologikoak gara, alternatiboak gara. Hori bai, telefono mugikorra merkatuko azkena eta Visa txartela poltsikoan badaezpada".

Laster zinema aretoetara eramateko moduko desfilea Bergaran

 Bergara HEMEN DEBAGOIENA

Goizetik ibili ziren bergararrak aurrez prestatutako mozorro eta karrozekin kaleak alaitzen. Beste batzuk aldiz, iluntzean atera ziren mozorro desfilera, ondoren, gaueko parrandarekin jarraitzeko asmoz.

Entzule guztiak igo dira maitasunaren Itsasontzira

 Bergara

Bergarako Aratuste-kontzertuak ez zuen inor epel utzi bart. The Love Boat edo Maitasunaren Itsasontzia 80ko hamarkadako telesail famatua oinarri hartuta emanaldi benetan entzungarri eta dibertigarria izan zen Udal pilotalekukoa. Udal Musika bandak, Bergarako Orkestrak, Aritzeta Abesbatzak, Debako Kulunka datza taldeak eta norbanako boluntarioek hartu zuten parte. 

Pilotalekuan bazkaldu ondoren, auto txoketan eta dantzan ibili dira antzuolarrak

 Antzuola

Antzuolako Aratuste-domekan goizeko protagonistak Hartza, Hezitzailea eta dantzariak izan badira, eguerditik aurrera herritarren txanda iritsi da. Pilotalekuan bapo bazkaldu eta gero, auto txokeetan jolasean eman dute denbora bereziki.

»» Ikusi argazki guztiak (15)

Urteko festarik handienak egin du eztanda Aretxabaletan

 Aretxabaleta

Argi geratu da aurten ere Aratusteak direla aretxabaletarren jairik gustukoenak. Denetariko mozorro eta karrozak ikusi dira kalejiran. 

»» Ikusi argazki guztiak (105)

Hartza, Hezitzailea eta dantzak protagonista Antzuolako Aratuste-domeka goizean

 Antzuola

Urteroko ohiturari jarraituz, Oinarin dantza taldeak antolatuta, bi taldetan abiatu dira goizean goiz herriko Aratusteetako dantza eta doinuekin alaitzera. Arratsaldeak ere askorako emango du. 14:30ean herri bazkaria egongo da eta ondoren, kuadrillek agertokira igotzeko aukera izango dute, desfilea, koreografia... otutzen zaiena egiteko.

»» Ikusi argazki guztiak (76)

Erraldoi, kiliki eta buruhandiek ere parte hartu dute Bergarako mozorro desfilean

  Kultura  Bergara

Goizetik ibili ziren Bergararrak aurrez prestatutako mozorro eta karrozekin kaleak alaitzen. Beste batzuk aldiz, iluntzean atera ziren mozorro desfilera, ondoren, gaueko parrandarekin segitzeko asmoz. Mariatxien kantuak, zine areto bat eskatzen zuten palomita enpresa, hegazkin bidaiariak, Gorlatik jeitsitako artzaia ardiekin... orotariko mozorroak ikusteko aukera izan zen.

»» Ikusi argazki guztiak (57)

Eskoriatzarren orijinaltasunak eta irudimenak saria jaso dute aurten ere

 Eskoriatza

Aratusteetako mozorroen sariak banatu dituzte dagoeneko. Lehen eta bigarren sariak Masai tribukoek eta agur-jaiak antolatzen dituen Iregi enpresakoek irabazi dute (300 euro); hirugarren eta laugarren sariak EITB Esko hedabideko langileek eta antzinako jantziekin irten direnek (200 euro) eta bosgarren saria Bere-bereak familiarendako izan da (100 euro). 

Inauterietako pertsonaiek dantzan hartu dituzte Oñatiko kaleak

 Oñati HEMEN DEBAGOIENA

Oñatiko Inauteriak taldeak antolatuta kondea eta kondesa, borreroak, alkate eta alkatesa, mikeleteak, gotzaina, senargai eta emaztegaia, artza eta domadorea, pregoilaria... Aratusteetako pertsonaia ugari batu dira gaur, zapatua Oñatin. Eta haiei musikariak eta dantzariak batu zaizkiei. Guztira 200 lagunetik gora ibili dira goiz eta arratsalde herriko kaleak alaitzen.

Inauterietako pertsonaiek dantzan hartu dituzte Oñatiko kaleak

 Oñati

Oñatiko Inauteriak taldeak antolatuta kondea eta kondesa, borreroak, alkate eta alkatesa, mikeleteak, gotzaina, senargai eta emaztegaia, artza eta domadorea, pregoilaria... Aratusteetako pertsonaia ugari batu dira gaur, zapatua Oñatin. Eta haiei musikariak eta dantzariak batu zaizkiei. Guztira 200 lagunetik gora ibili dira goiz eta arratsalde herriko kaleak alaitzen.

»» Ikusi argazki guztiak (14)

Kolorea eta irudimena Aramaion ere

 Aramaio

Aramaioarrek ez dute hutsik egin Aratusteekin urtero duten zitarekin. Haur, gazte zein helduek hartu dute parte kiroldegitik abiatu eta Bizente Goikoetxea plazan amaitu den desfilean. Iluntzean banatu zituzten mozorro onenaren sariak. 

»» Ikusi argazki guztiak (53)

Ikuskizun berriarekin, Aratuste-zapatua berotu dute Euskal Herriko pailazo ezagunenek

 Bergara

Pirritx, Porrotx eta Marimototsen Amalur ikuskizunaren lehen emanaldian jende ugari elkartu da Bergarako frontoia. Urtero moduan, Aratusteak direla-eta ikuskizun berriarekin etorri dira Bergarara Euskal Herriko pailazo ezagunenak eta, ohi moduan, ez dute hutsik egin. Bigarren emanaldia 18:30ean hasiko da. 

»» Ikusi argazki guztiak (17)

Kolorez jantzi dituzte Eskoriatzako kaleak Aratuste-zapatuan

 Eskoriatza

Pailazoak, sukaldariak, ardiak, filmetako pertsonaiak... 13:30ean puntuan hasi da Eskoriatzako Aratusteetako desfilea, eta aipatutako horiek eta gehiagok hartu dute parte bertan. Eguraldia lagun, giro ezin hobean ibili dira.

»» Ikusi argazki guztiak (77)

Aratuste-zapatuko desfilearen bideoa

 Arrasate

Ederto erantzun dute arrasatearrek Aratuste-zapatuko desfilean

 Arrasate

Askotariko mozorroak eta karrozak ikusi ahal izan dira Aratuste-zapatuko desfilean. Iazko kuadrilla irabazleak, aurten Hipster gisara mozorrotu direnak, egin dute pregoia: "Arrasateko Hipster batzordea gara. Bizitza ikusteko beste modu bat. Gu ekologikoak gara, alternatiboak gara. Hori bai, telefono mugikorra merkatuko azkena eta Visa txartela poltsikoan badaezpada". Hasi da luze joko duen kolore, mozorro eta karroza festa! 

»» Ikusi argazki guztiak (91)

Torradak eta txokolatea Antzuolako umeen mozorro-festa borobiltzeko

 Antzuola

Eskolako patioan batu ziren atzo, barikua, arratsaldean Antzuolako eskolako ume eta gurasoak mozorro-festari amaiera emateko. Ninga, sorgin, erizain... askotariko mozorroak ikusteko aukera egon zen; baita torradak eta txokolate beroa ere han batu ziren guztiendako.

»» Ikusi argazki guztiak (29)

Entzule guztiak igo dira 'Maitasunaren Itsasontzira'

  Kultura  Bergara

Bergarako Aratuste-kontzertuak ez zuen inor epel utzi bart. The Love Boat edo Maitasunaren Itsasontzia 80ko hamarkadako telesail famatua oinarri hartuta emanaldi benetan entzungarri eta dibertigarria izan zen Udal pilotalekukoa. Udal Musika bandak, Bergarako Orkestrak, Aritzeta Abesbatzak, Debako Kulunka datza taldeak eta norbanako boluntarioek hartu zuten parte. Mozorrotuta eta musika eta dantzez baliatuta, itsas bidaia bat kontatu zuten, herrialde desberdin batera iristen ziren bakoitzean bertako musika joz: The Love Boat; New York, New York; Red Red Wine; Smile, eta Amor Narcotico; besteak beste. Aratusteak hasteko, modu alai eta polita.

»» Ikusi argazki guztiak (61)

Askotariko doinuak Arrasate Musikalen Aratusteetako kontzertuan

 Arrasate

Urteroko ohiturari eutsiz, Arrasate Musikaleko talde ezberdinek Aratusteetako kontzertua eskaini dute Amaia antzokian. Hainbat taldek hartu dute parte: talde mistoak, banda gazteak, perkusio taldeak... Errepertorioa ere oso zabala: Mana taldearen Corazon espinado, Goseren Zoroetxeko harresia, Vendettaren Leña al fuego...

»» Ikusi argazki guztiak (27)

Bergarako Aranzadi Ikastolak euskal Aratusteetako pertsonaiak ekarri ditu herrira

 Bergara

Txikienek euskal mitologian hain ezagunak diren pertsonaiez jantzi dira: Tartaloz, lamiaz, galtzagorriz eta sorginez. Lehen Hezkuntzakoak, berriz, txatxoz, joaldunez, bolantez... Arratsaldeko lehen orduan egin dute ibilaldia erdiguneko kaleetan barrena; baita mozorrotuta zeuden pertsonaiari dagokion dantza egin ere.

»» Ikusi argazki guztiak (29)

Bergarako Mariaren Lagundia Ikastolako haurrek emotikonoz josi dituzte kaleak

 Bergara

Gaur gaurko mozorroa aukeratu dute Mariaren Lagundiako haurrek arratsaldean kalera ateratzeko. Sare sozialek eta bereziki whatsapp-ak duen zabalkundea dela eta nork ez ditu emotikonoak erabiltzen? Maitemindutako emotikonoak, harrituak, barrabasak, irribarretsuak... espresio ugari ikusi ahal izan dira Bergarako kaleetan arratsaldeko lehen orduan.

»» Ikusi argazki guztiak (30)

Dotore mozorrotuta irten dira Elgetako eskolako neska mutikoak kalera

 Elgeta

Herri eskolatik plazaraino musikaz girotutako mozorro desfilea egin dute arratsaldean, eta ondoren dantza egin dute plazan, herritar mordoxka baten aurrean. Bakoitza bere gustuko mozorroarekin jantzita, kolorez eta alaitasunez bete dute herria aratuste egubakoitz honetan.

»» Ikusi argazki guztiak (36)

Hartz Eguna San Martin Agirren

 Bergara

Aratusteei hasiera emateko, Hartz Eguna ospatu zuten atzo Bergarako San Martin Agirre eskolan. Aspaldiko ohiturari eutsiz, domadore eta guzti iritsi zen hartza eskolara.

»» Ikusi argazki guztiak (22)

Pailazoak bueltan datoz Bergarako Aratusteetara

  Kultura  Bergara

Pailazoak bueltan datoz Bergarako Aratusteetara

Aratusteetan urtero hitzordua izaten dute bergararrek Pirritx, Porrotx eta Marimotots pailazo hirukote famatuarekin, eta aurtengoetan ere hala izango da. Bihar, zapatua, pailazoek Amalur ikuskizunaren bi saio eskainiko dituzte arratsaldez Udal Pilotalekuan. Lehena 15:30ean hasiko da, eta bigarrena, berriz, 18:00etan. Ume zein gurasoek arratsalde dibertigarria igarotzeko aukera paregabea izango dute bihar, beraz.

Sorgin dantza kalerik kale Eguen Gizenean

 Bergara GAURKOAK

Bergaran atzo iluntzean, eguen gizen egunean, Sorgin Dantza egin zuten, azken urteotan bezala. Aurten, baina, berritasun modura, Musika eta Dantza eskolako umeak izan dira protagonista. Eurekin batera, antzinako Bergarako aratusteetako pertsonaiak, hartza eta domadorea, kalerik kale ibili ziren.

Santa Ageda, San Blas eta Aratusteak ospatuko dituzte asteburuan antzuolarrek

 Antzuola

Santa Ageda, San Blas eta Aratusteak ospatuko dituzte asteburuan antzuolarrek

Ekintzaz beteriko asteburua datorkie antzuolarrei. Izan ere, Santa Ageda, San Blas eta baita ere Aratusteak, asteburuan ospatuko dituzte-eta.  

Aratusteei ongi etorria itsasontzi gaineko bidaian

  Kultura  Bergara

Aratusteei ongi etorria itsasontzi gaineko bidaian

Egun bakar batean agortu ziren gaur gaueko 22:30ean Udal Pilotalekuan eskainiko duten 'The Love boat' kontzertu-ikuskizunerako sarrerak

Mozorroaren babesean festa eta zalaparta, gaur, Elgetan

 Elgeta

Mozorroaren babesean festa eta zalaparta, gaur, Elgetan

Eskolako neska-mutikoen kalejirak zabalduko du Inauteria, eta gauera arte izango da festa giroa

Mozorro lehiaketa egingo dute Aramaion, Aratuste-zapatuan

 Aramaio

Mozorro lehiaketa egingo dute Aramaion, Aratuste-zapatuan

Mozorroak gertatzeko azkeneko eguna izango dute gaur aramaioarrek. Izan ere, bihar, Aratuste-zapatua ospatuko dute. 17:00etan elkartuko dira frontoian eta kalejira egingo dute plazaraino; ondoren mozorro lehiaketa izango dute. Eskolan martitzenean ospatuko dituzte Aratusteak.

Urdelardero egunean ederto ibili dira txikienak

 Eskoriatza HEMEN DEBAGOIENA

Ohitura oso berezia dute Eskoriatzan eguen zuri egunean. Kalera irteten dira neska-mutikoak eta ziri baten eramaten dute hamaiketakoa: sagar, txerriki, ogi... eta azkenaldian baita donutak ere. 

Gaurtik martitzenera luzatuko dira Inauteriak Oñatin

 Oñati

Gaurtik martitzenera luzatuko dira Inauteriak Oñatin

Bihar 212 lagun ibiliko dira kalez kale dantzan eta antzezten eta martitzenean pailazoak eta DJ festa egongo da ume eta gaztetxoendako.

Eskualdeko eskoletan ere ospatuko dituzte Aratusteak

 Debagoiena

Eskualdeko eskoletan ere ospatuko dituzte Aratusteak

Eskualdeko eskola guztietan ospatuko dituzte Aratusteak, txikienek batez ere.

Bikain ibili dira haurrak Urdelarderon

 Eskoriatza

Eguen Gizenena izanda, Urdelardero egunean, kalejira egin dute gaztetxoek baserritar jantzita, etxez etxe kantuen trukean goxokiak bota dizkiete Eskoriatzako bizilagunek. Eskuan ziria zutela kantuan ibili ondoren, indarrak hartzeko txistorra jateko aukera izan dute herriko plazan.

»» Ikusi argazki guztiak (46)

Badatoz, badatoz… Aratusteak!

 Aretxabaleta

Badatoz, badatoz… Aratusteak!

Azken orduko ukitutxoak egiten dabiltza herriko kuadrillak Aratuste-domekako mozorroei, eta Azbe lantegiko eraikinean karroza gehienak gertu daude. Izan ere, aretxabaletarrak Aratusteak noiz hasiko zain daude, joan den zapatuan Txapel Txinek horiek iragarri eta gero. 

Aratusteak zapatuan eta martitzenean ospatuko dituzte aurten ere arrasatearrek

 Arrasate

Aratusteak zapatuan eta martitzenean ospatuko dituzte aurten ere arrasatearrek

Aratusteetako egitarauan zapaturako eta martitzenerako antolatu dira ekintza gehienak Arrasaten. Zapatuan aurten ere ez da herri bazkaririk egongo, baina martitzenean lana dela-eta irteterik ez dutenek zapatuan egingo dute parranda. Aratusteetarako Udalaren aurrekontua da 15.700 eurokoa. 

Musika Eskolakoak kalera aterako dira Aratusteetan

  Kultura  Bergara

Musika Eskolakoak kalera aterako dira Aratusteetan

Bergarako Musika Eskolak protagonismoa izango du aurten ere Aratusteetan. Eguen Gizen egunean, hilaren 4ean, Sorgin dantzan hartuko du parte. Aratuste martitzenean,  9an, ostera, Gazte Banda aterako da eta Herri Batukadan ere hartuko du parte.

Aretxabaletako torrada onenen sekretuaren bila

 Aretxabaleta HEMEN DEBAGOIENA

Aratusteen bueltan Aretxabaletan egiten duten torrada eta pella lehiaketako lehen saria eskuratu du Basabe jatetxeak hirugarren urtez. Ukitu berezia ei dute hango torradek baina sukaldariak ez du haren berri eman.

Bertan da Txapel Txin

  Kultura  Aretxabaleta HEMEN DEBAGOIENA

Txapel Txin Aretxabaletako eskoletara etorri da beste inora baino lehen. Aratusteak bertan direla-eta, kapela buruan jarri dute dagoeneko herriko neska-mutikoek.

Pistola eskuetan duela iritsi da Txapel Txin Aretxabaletara

  Kultura  Aretxabaleta

Herriko plaza neska-mutikoz bete zen Txapel Txini ongi-etorria egiteko. Txapel Txinek esan bezala, txapela jantzita joan ziren gehienak. Plazako arkupeetan gordeta zegoen Txapel Txin, eta horrelako batean agertu zen, pistola eta guzti, James Bond-en moduan. 

»» Ikusi argazki guztiak (25)

Urdelardero egunarekin hasiko dira Eskoriatzako Inauteriak

 Eskoriatza

Urdelardero egunarekin hasiko dira Eskoriatzako Inauteriak

Eguen Gizenean, otsailaren 4an, ospatuko da Urdelardero, eta egun horretan hasiko dira Inauteriak Eskoriatzan. Umeak, goizean, baserritar jantzita irtengo dira kalera, ziria eskuan dutela; sagarra, txorizoa… askotariko jakiak barruan sartuta eroango dituzte. Kantuan ere arituko dira etxez etxe, eta, trukean, gozokiak botako dizkiete herritarrek leiho eta balkoietatik.

Batukada herrikoia aurten ere, ohiko klasikoekin batera, Bergarako Aratusteetan

  Kultura  Bergara GAURKOAK

Otsailaren 2tik 7ra bitartean ospatuko dituzte Aratusteak Bergaran. Sorgin-dantza; mozorro bazkaria; banda eta orkestraren ohiko kontzertua; erraldoi eta kilikien konpartsaren kalejira; batukada erraldoia, eta Pirritx, Porrotx eta Marimototsen emanaldi bikoitza izango dira protagonistak.

Festa eta ikuskizuna Aratuste-domekako bazkal ostea herritarrekin girotzeko

 Antzuola

Festa eta ikuskizuna  Aratuste-domekako bazkal ostea herritarrekin girotzeko

Aurten lehen aldiz, Aratuste-domekako bazkal ostea girotzeko festa antolatu du Kultura sailak. "Edozein herritar taldek edo kuadrillek parte har dezakete ikuskizunean. Nahi dutena egin dezakete gainera: dantzak edo koreografiak, desfileak... jende aurrera irten nahi duen talde orok izango du aukera", azaldu du Jone Larrañaga Kultura teknikariak.

Sara Martinez Alberdiren kartelak iragarriko ditu Aratusteak

  Kultura  Bergara

Sara Martinez Alberdiren kartelak iragarriko ditu Aratusteak

Bigarren urtez jarraian Sara Martinez Alberdiren kartel batek iragarriko ditu Bergarako Aratusteak. Udalak "nahi baino lan gutxiago" aurkeztu dira kartel lehiaketara, "hiru guztira", Bergarako Udaletik adierazi dutenez.

Aratusteetako bazkarira joateko sarrerak salgai

 Antzuola

Aratusteetako bazkarira joateko sarrerak salgai

Otsailaren 7a ospatuko dute Antzuolarrek Aratuste domeka. Ohiturari eutsiz, dantzariak goizean hasiko dira kaleak alaitzen, tximinoa, hartza eta hezitzailea lagun dituztela.
Plazako dantzarien saioaren ostean, 14:30ean, herri bazkaria izango da eta bi menu egongo dira aukeran. Txartelak udaletxean eta liburutegian  daude salgai.

Oinarinek Aratusteetako dantzak ikasteko entsegu irekiak antolatu ditu

 Antzuola

Oinarinek Aratusteetako dantzak ikasteko entsegu irekiak antolatu ditu

Aurtengo Aratusteak otsailaren 7an, domeka, ospatuko dira. Hala, Oinarin dantza taldeak Aratusteetako dantza saioak ikasteko entsegu irekiak egingo ditu hurrengo asteetan. Lehen entsegua urtarrilaren 16an, zapatua, egingo da.

Ilundutakoan Elgetako mozorro txikiak etxera, eta handiak kalera!

 Elgeta

Zure mozorroa argazki galeria honetan agertzea nahi baduzu, bidali argazkia! Whatsapp: 688 690 017. Eposta: berriak@goiena.eus.

»» Ikusi argazki guztiak (16)