Logoa

XVIII. Jokin Zaitegi Sariketa

 Arrasate Arrasateko AED Elkarteak eta Elkar argitaletxeak, Kutxa gizarte ekintzaren laguntzarekin, XVIII. Jokin Zaitegi Sariketa antolatu dute. Jokin Zaitegi arrasatear idazlea gogoratzeko eta hark literatura unibertsala euskaratzen egindako ahaleginari jarraitzeko helburua dauka sariketak. Edizio honetan, Elfriede Jelinekek idatzitako Die Liebhaberinnen eleberria itzuliko da. Sariketara aurkezteko epea abenduaren 15ean amaituko da.

Arrasateko Baserriko Produktuen Azoka 2004

 Arrasate Zapatu goizean egingo da azoka, 9:00etatik 13:30era. Seber Altube plazan izango da. Arrasateko 12 baserrik eta Jakion enpresak parte hartuko dute azokan. Ekimena Arrasateko Udalak antolatu du, Ibai-arte elkartearen laguntzarekin.

Auto susmagarria Araba Etorbidean

 Arrasate Arrasateko Udaltzaingoak eta Ertzaintzak Araba Etorbidea kalea itxi egin dute, goizeko 10:00ak aldera Eskatu pabiloiaren aurrean auto susmagarri bat ikusi dutelako. Udaltzaingotik adierazi digutenez, autoa Gasteizen lapurtu dute eta Arrasateko Araba Etorbidean dago orain, esan bezala, aparkatuta.

Jose Antonio Marina pentsalariaren hitzaldia Arizmendi Topaketen barruan

 Arrasate Jose Antonio Marina gaur egungo pentsalaririk ezagunenetarikoa eta irakurrienetarikoa da. Arizmendi Topaketak 2004 ekitaldiaren barruan "Proiektu ekonomiko berri bat" izeneko hitzaldia emango du. Asteartean, hilak 30, izango da hitzaldia Mondragon Goi Eskola Politeknikoko Biteri Ikastetxe Nagusiko aretoan, 18:30ean.

Lagun ugari Lore Gazteak taldearen ikuskizunean

 Arrasate Lore Gazteak dantza taldea, arrasateko Txistulariak eta Arrasateko Gaitariak izan ziren atzo Amaia Antzokian giroa alaitu zutenak. Euskal dantzen ikuskizunera 300 bat lagun hurbildu zen.

Santander bankuan lapurtu dute, arratsaldeko lehenengo orduan

 Arrasate 13:40an aurpegia estalita zeukaten bi lagun sartu dira Ignazio Zuloaga kalean dagoen Santander bankuan. Lapurrek suzko arma zeukaten, eta bankuko langileei mehatxu egin eta gero, dirua hartzea lortu dute. contributors:

Mondra eta UDA buruz buru, zapatuan

 Arrasate Mondrako kapitain Rubenek eta UDAko kapitain Erikok hamaika urte egin dituzte talde nagusian. Derbi asko jokatu dituzte elkarren kontra, eta, alde horretatik, zapatuko futbol partidua ez da berezia izango. Hori bai, bi kapitainen esanetan taldeak daukatena ematera zelairatuko dira, urtero moduan.

Guraso bakarrak laguntzeko programa abian

 Arrasate Guraso bakarrak diren lagunek, bizi duten egoeran laguntzeko, BIDETXUR programa dute abian Arrasaten Udalaren eskutik. 10 emakumek osatzen dute mometuz Bidetxurren dabilen taldea eta 5 hezitzaile dituzte laguntza emateko.

Arrasatear ugarik nahi omen du autoa konpartitu

 Arrasate Arrasatear ugarik jo du Udaleko webgunean dagoen autoa konpartitzeko orrira. Irailaren erdi aldean jarri zuten abian ekimena eta urria amaiera bitartean 545 bisita izan dituzte. Horietako %75, hala ere, errepikatutakoak izan dira. Hala ere, bisitari berriak gero eta gehiago direla azaldu dute Udaletxean.

Elikadura eta osasunaren gaineko hitzaldiak Arrasaten

 Arrasate Eroski Taldea Fundazioak hainbat hitzaldi antolatu ditu azaroaren 23an eta 24ean. Arrasateko Monterron Jauregian izango dira hitzaldiak, 16:30ean.

Euskal Presoak Euskal Herrira hurbiltzeko sinadura bilketa

 Arrasate Presoak Euskal Herrira hurbiltzea eskatzeko sinadura bilketa egingo du bihar, zapatua, Etxerat Elkarteak. Seber Altube plazan jarriko dira Arrasaten, goizez eta arratsaldez.

Kafe-teatroa Iamai tabernan

 Arrasate Arrasateko Iamai tabernan udazkeneko antzerki emanaldiak antolatu dituzte, Productions Gipuzkoarekin elkarlanean. Lau ostiraletan egingo dira antzezlanak, datorren egubakoitzean, hilak 12, hasita. Gauerdian izango dira guztiak. Sarrera doakoa izango da.

Bizigune programa abian Arrasaten

 Arrasate Arrasaten ofizialki abian da Bizigune, erabilitako etxe hutsak alokatzeko programa. Eusko Jaurlaritzak bultzatu duen programa da eta joan den astean, eguakotxien sinatu zuten Jaurlaritzak eta Udalak programa abian jartzeko agiria.

AHT Gelditu! Elkarlana taldeak jardunaldiak antolatu ditu Arrasaten

 Arrasate Gaur, martitzena, hasi eta eguenera bitartean izango dira, 19:00etan, Monterron kultura etxean.

Autobus zerbitzu berezia Domu Santurako

 Arrasate Domu Santu egunaren inguruan lagun ugari hurbiltzen da hilerrira, hori dela-eta autobus zerbitzu bereziak jarriko dituzte urriaren 31n eta azaroaren lehenean San Kristobal kanposantura joateko.

Lehenengo minutuak asko zaindu behar ditu Mugarri Alkesak

 Arrasate Bihar, (18:00etan Iturripen) Mugarri Alkesa Saskibaloi Taldeak ezin du barkatu Lizarrako Legarzia talde nafarraren kontra. Arrasatekoek beharrezko dute denboraldiko bigarren garaipena lortzea, eta biharko kontrarioa ez da Mugarri Alkesa baino talde hobea.contributors:

Arrasateko futbol taldearen erronka: Zestoako zelai petralean gola egitea

 Arrasate Mondrak batere gustuko ez duen Zestoaren zelaian jokatuko du zapatuan (16:00etan). Arrasatearrek ondo ezagutzen dute zestoarren futbol zelaia, eta badakite han gaitza dela hiru pase jarraian egitea. contributors:

Osakidetza-rekin negoziatuko dute Eskualde Erietxe berria egitea

 Arrasate Arrasateko Udalak Osakidetza-rekin negoziatu beharko du Debagoienerako Eskualde Erietxe berria egitea oraingo eremutik kanpora, Zaldispetik kanpora, hau da, erietxe guztiz berria egitea, beste eremu batean. Hori da urriaren 25ean egindako osoko bilkuran Udalak erabaki zuena, aldeko ia boto guztiekin.

Autobus zerbitzu berezia Domu Santu egunerako

 Arrasate Herri barruko autobus zerbitzua egiten duen Leintz Garraioak Konpainiak kanposantura joateko autobus zerbitzuak jarriko ditu urriaren 31n eta azaroaren lehenean. Domu Santu egunean ordu erdiro ibiliko dira San Kristobal hilerrirako autobusak.

Aldaketak Udal Azokako araudian

 Arrasate Arrasateko Udalak eman nahi du Udal Azokako saltokiak astean egun bakar baterako adjudikatzeko aukera. Joan den asteleheneko osoko bilkuran hartu zuen erabaki hori Udalak.

Gida komertziala

Gida komertzialeko produktuak

Ile Mozketak
Harategia
Razioak
Proiektuak
Gida baimen guztiak