Logoa

Muxibarko biribilgunetik ezin da Kanpanzarrerantz joan

 Arrasate Aramaio ibaiaren saneamendu lanak egiten dabil Eusko Jaurlaritza Arrasaten. Uren kolektoreak jartzen dabiltza eta orain Muxibarko biribilgune ondoan interzeptore bat jarri behar dute. Hiru hilabetez egongo da errepide zati hori itxita eta Kanpanzarrera joateko, auto gidariek Epeleko bidea hartu behar dute.

Aurtengo edizioaren arrakasta ikusita, datorren urtean ere egingo dute abesbatzen topaketa

 Arrasate Entzule eta parte hartzaile ugari izan ziren zapatuan Debagoieneko XIX. abesbatzen topaketan. 600 bat ikusle eta 400 bat kantari izan ziren Uarkapen, pilotalekua leporaino beteta. Batutako diruaren laurdena Nubi elkarteari emango diote. Aurtengo arrakasta ikusita, datorren urtean hogeigarren edizioa prestatuko dutela esan dute Arizmendikoek egindako balorazioan.

Ez zuen erantzunik izan litroak edateko deiak

 Arrasate E-postaz zabaldutako hitzordua zapatu gauean zen, Arrasaten, baina lau bat laguneko koadrila bakarrik agertu zen.

Zigor Masip da AEDko presidente berria

 Arrasate Zigor Masip arrasatearra da Arrasate Euskaldun Dezagun elkarteko presidente berria. Hala erabaki zuten AEDren urteko batzar orokorrean.

Eskola-antzerkiaren jardunaldiak Amaia antzokian

 Arrasate Datorren astelehenean hasita XVI. Eskola-Antzerkiaren Jardunaldiak egingo dituzte, Arrasateko Udaleko hezkuntza eta kultura sailak antolatuta. Herriko ikastetxe ezberdinetako ikasleen antzerki lanak ikusteko aukera egongo da apirilaren 3an eta 4an. Apirilaren 25etik aurrera, berriz, antzerki talde profesionalen antzezpenak izango dira Amaia antzokian.

Gizonezko bat atxilotu dute autoetan lapurreta egiteagatik

 Arrasate Eguazten arratsaldean 39 urteko gizonezko bat atxilotu zuten ertzainek Arrasaten, autoetan indarkeria erabilita lapurtzea leporatuta. Lehen ere beste zenbaitetan atxilotu dute gizonezkoa.

Litroak edatera joateko deialdia egin dute zapaturako

 Arrasate Beste hiri askotan bezala Arrasaten ere litroak edateko elkartuko dira gazteak. Datorren zapatuan, hilak 1, izango da zita, Monterronen. E-posta eta SMS bidez zabaldu dute deialdia gazte batzuek. Klik Bikoitza blogetik jakin dugu deialdiaren berri.

Aita Menniren eguneko zentroak asteburuetan ere zerbitzua emango du

 Arrasate Asteburu honetan hasiko da Aita Menni erietxeko Arrasateko zentroa zapatu eta domeketan zerbitzua ematen. Leintz Bailarako lagunendako zerbitzua emango du eta 12 plaza atendituko ditu.

Mondragoetar batek sortu du Zabaldu.com

 Arrasate Arkaitz Zubiaga Mondragon Unibertsitateko ikasle mondragoetarrak sortu du Zabaldu.com, joan den astea ezkero euskal blogosfera astindu duen webgunea. Ingeniari informatikoa da Arkaitz, eta web diseinua eta programazioa ditu gustuko. Nahikoa izan du hilabete inguru Zabaldu.com sortu eta euskal blogosfera dantzan jartzeko.

Emakumearekin erabiltzen den indarkeriaren aurkako lehen Udal Plana onartuta

 Arrasate Martxoko Osoko Bilkurak onartu du lehen Udal Plana, aho batez. Diagnosian ikusitako akatsei eta beharrei aurre egiteko, ekimen zehatzak planteatzen du Planak. Diru baliabideak ere zehaztu ditu. Azkenik, ateak zabalik utzi ditu, eten barik hobetuz joateko.

Santa Marinako liburutegi berritua inauguratu dute

 Arrasate Arrasateko Santa Marinan, auzo liburutegiaren aurkezpen ekitaldia egin zuten atzo, martitzena. Orain 15 urte ireki zuten zerbitzua, baina orduan ez zuten inaugurazio ofizialik egin, eta orain egitea erabaki dute azken bi urteetan burututako berritze lanak aitzakia hartuta.

Lausardi Koru Sinfonikoak kontzertua eskainiko du

 Arrasate Apirilak 8, larunbata, izango da emanaldia Amaia Udal Antzokian, 20:00etan. "Afrika" lana eskainiko dute. Obrak, kultura Afroamerikarraren kutsua dauka besteak beste.

Arrasatear baten piropoa Urtxintxaren lehiaketako finalean

 Arrasate Txatxilipurdik kudeatzen duen Okendo ludotekan piropo lehiaketa egin dute orain dela gutxi. 52 parte-hartzaile izan ziren lehiaketan eta horietako batzuk Urtxintxak antolatutako piropo lehiaketara aurkeztu zituzten. Arrasatetik aurkeztutakoen artean bat sailkatu da azken faserako.

Gipuzkoako Euskal Kantu Txapelketako finalerako sailkatu dira arrasatearrak

 Arrasate Miren Morales, Maialen Linazasoro eta Eneritz Urrutiak osatutako taldea sailkatu da finalerako. Martxoaren 18an kantatu zuten Urretxuko kanporaketan eta saio horrek eman die finalerako txartela. Finala apirilaren 1ean, zapatua, jokatuko da Azkoitian.

Zerrajeran gazteendako etxebizitza babestuak egiteko bidea libre

 Arrasate Zerrajera II eremuan errentan jartzeko babes ofizialeko etxebizitzak egiteko oztopoak gainditu ditu Udalak. Egitamu Orokorrak behar zuen aldaketa puntuala eta, ondoren lanak egiteko lehiaketa publikoa arautuko duen agiria onartu ditu. Atzoko Osoko Bilkuran onartu zuen, PNVren, EAren, Aralarren eta Alderdi Sozialistaren aldeko botoekin.

Bretainiako ikasle taldea GOIENAn bisitan

 Arrasate Bretainiako 15 bat ikasle izan dira gaur bisitan GOIENAk Otaloran duen egoitzan. GOITB, Arrasate Irratia, Goienkaria eta Goiena.net-eko lan egiteko modua ezagutu dituzte bertatik bertara. Arizmendi ikastolako ikasle batzuekin trukea egin dute eta egun batzutan gurean izango dira bretoiak.

Txatxilipurdiren udalekuetan izena eman daiteke

 Arrasate Arrasateko Txatxilipurdi elkarteak gaur, astelehena, zabaldu du Txatxilipurdin udaleku irekietan zein itxietan izena emateko epea.

Lapurreta egin dute parrokiako lokaletan

 Arrasate Hiru ordenagailu eta DVDa eraman dituzte lapurrek. CIM azpiko lokaletan egin dute lapurreta bart.

Mondrak Aretxabaleta hartuko du bihar

 Arrasate Denboraldiko azken derbia jokatuko dute bihar Mondrak eta Aretxabaletak (16:30). Baina, jokoan dauden hiru puntuak, oraingoan, UDAkoendako dira garrantzitsuagoak.contributors:

EHNA erabiltzeko komertzioen gida kaleratuko dute

 Arrasate Gida horretan agertuko dira txartel bidezko ordainketak EHNA agiria erakutsiz egitea ahalbidetzen duten Arrasateko komertzioak: 167 guztira. Monterronen egingo dute gidaren aurkezpena, zapatu eguerdian.

Gida komertziala

Gida komertzialeko produktuak