Guztira 1.513 ikusle joan dira zinema ikustera

 Arrasate Joan den eguakotxetik, atzo, astelehenera arte, 1.513 ikusle joan dira Amaia antzokira zine klub edo zinema komertziala ikustera. "Te doy mis ojos" izeneko filma izan da ikusle ugari erakarri dituena, 1.181 lagunek ikusi dute tratu txarren inguruko film hori.

Lazkanok, min hartuta, bertan behera utzi zuen partidua

 Arrasate Ez zuen zapatu gozoa izan Aitzol Lazkano pilotari mondragoetarrak. Bestetan baino jende gehiago elkartu zen zapatu eguerdian Uarkapen. Lazkanok Euskadiko Txapelketako hirugarren partidua zuen jokoan, baina mondragoetarrak zorte txarra izan zuen, ezkerreko eskuan min hartu eta partidua bertan behera utzi behar izan zuelako.

Kalagorriren bisita Uarkapen

 Arrasate Ointxe Arrasate Saskibaloi Taldeak Kalagorri talde errioxarraren bisita izango du oraingo asteburuan (Iturripe, zapatua, 18:00). Jaitsiera fasean jokatutako bi partiduak irabazi eta gero, bolada onari eustea izango da etxekoen helburua.

Gabiraia da eta Donostiara eraman dute sendatzeko

 Arrasate Atzo, eguena, Arrasaten aurkitutako txoria gabiraia da, eta dagoeneko Donostian dago, Igeldon txoriak berreskuratzeko dagoen zentroan. Bertako ardurdunek esan digutenez, eskubiko hegala erorita du, baina ez du tirorik. Datorren asterako sendatuta egongo dela espero dute. Behin sendatuta aske utziko dute.

II. Cante Flamenko Txapelketaren finala

 Arrasate Urtarrilaren 31n, zapatua, Al Andalus elkarteak antolatu duen II. Cante Flamenko Txapelketaren finala egingo dute. Amaia Udal Antzokian izango da, doan, 19:00etan.

Dragoia punky itxurarekin

 Arrasate Horrela azaldu da Santa Barbara parkean dagoen dragoia. Guztiz itxuraldatu dute ezezagun batzuk: gorputza berdea, hanka eta hegalak gorriak, gangarra buruan... Punkya dirudi.

Aitzol Lazkano Euskadiko Pilota Txapelketan

 Arrasate Gipuzkoako Txapelketan lan ona egin eta gero, Aitzol Lazkano Euskadiko Txapelketa jokatzen dabil. Zapatu eguerdian (Uarkape, 12:30) Euskadiko Txapelketako lehenengo faseko hirugarren partidua jokatuko du. Aurreko bi partiduak irabazi egin ditu.

Gazte Astea antolatu dute

 Arrasate Arrasateko Gazte Kontseiluak Gazte Astea antolatu du. Herriko hainbat gazte elkartek bat eginda, ekitaldi mordoa antolatu dituzte urtarrilaren 30etik otsailaren 6ra arte.

Arrasateko 104 erretiratu Italiara udaberrian

 Arrasate Arrasateko 104 erretiratuk gertu dute martxoan Italian zortzi egun emateko bidaia. Toki Argi, erretiratuen etxeak egin du deialdia eta, bi autobus beteta, martxoaren azken astean Italiako hiririk handienak ezagutuko dituzte.

Aratusteetako eta martxoak 8ko kartel lehiaketak, abian

 Arrasate Arrasateko Udaleko Kultura Sailak eta Emakume Sailak aratusteetako eta martxoaren 8ko kartel lehiaketak antolatu dituzte, hurrenez hurren. Lehiaketa bietako arauak prest daude, eta parte hartzeko epeak zabalik.

Bilguneak jarduna etetea erabaki du, baina ez da desegingo

 Arrasate Enrike Letonaren askatasuna eskatzeko sortu zen Bilgunea Arrasaten. Enrike Letonaren askatasuna lortuta erabaki du bere jarduna etetea, baina ez da desegingo. Bilgunean esku hartu dute herriko zenbait gizarte eragilek eta alderdi politikok. Azaroan eginiko manifestazio jendetsua da taldeak izan duen arrakastaren erakusle.

Beste olio biltegi bat azaldu da aste honetan Zerrajerako lurretan

 Arrasate Udazkenean berriro olio biltegiak azaltzen hasi zirenetik, aste honetan, astelehenean azaldu dena bosgarrena da. Orain arte 51.000 litro fuel-olio atera dituzte bertatik.

Besaiderekin eskiatzera

 Arrasate Besaide Mendi Elkarteak aurten ere eski alpinoa egiteko aukera eskainiko du. Oraingo asteburuan hasi eta apirilaren 3 eta 4ra arte astebururo eskiatzera joateko aukera izango da.

Mondrak Hernaniren bisita izango du zapatuan

 Arrasate Joan den astean Zarautzen kontra berdindu eta gero (1-1) Mondrak zapatu arratsaldean (16:00, Atxabalpen) hasiko du Ligako bigarren itzulia. Laugarren postuan dago Mondra, eta liderra lau puntura dauka.

Arrasaten bizi izandako emakume bat hil dute, ustez tratu txarrak dira tarteko

 Arrasate Gaur, eguaztena, egingo da Mari Carmen M.A emakumearen aldeko hileta elizkizuna Torreviejan. Ustez tratu txarrak tarteko, hilda agertu zen joan den egubakoitzean, urtetan Arrasaten bizi izandako emakumea.

Udalak Abaroa berria egitea aurreikusten du herriko erretiratuentzat

 Arrasate Arrasateko erretiratu guztientzat erreferente izango den jubilatuen egoitza berria egitea aurreikusten du Udalak. Egoitza berria erdikaldean egingo litzateke. Era horretan, gaur egun Abaroa dagoen tokia, Iturbide egoitzarako izango litzateke. Ordez, Abaroa berria izango dute Arrasateko erretiratuek.

Oskar Arana da Jokin Zaitegi lehiaketaren irabazlea

 Arrasate AEDk eta Elkarlanean argitaletxeak aditzera eman dutenez, Oskar Arana arrasatearra da Jokin Zaitegi lehiaketaren irabazlea. Aranak 4.200 euro jasoko ditu John Maxwell Coetzee idazle hegoafrikarraren Disgrace eleberria ingelesetik euskaratzeko.

731 lagun izan dira aste bukaeran zinema ikusten Amaia antzokian

 Arrasate Joan den aste bukaeran 731 lagun hurbildu dira Amaia antzokira zinema ikustera.

Ezker Batuak oposizioak aurrekontuen aurrean izandako jarrera kritikatu du

 Arrasate Arrasateko Ezker Batua alderdiak oposizioko alderdiak kritikatu ditu, aurtengo udal aurrekontuak onartzeko prozeduran izan zuten jarreragatik. Ezker Batuaren esanetan, oposizioak ezin ditu justifikatu aurrekontuen aurrean egin dituen kritikak.

Ointxek zapatuan hasiko du fase erabakigarria

 Arrasate Ointxe Arrasate Saskibaloi Taldeak zapatuan, hilak 10, jokatuko du jaitsiera faseko lehenengo jardunaldia. Ibarreko jokalariz osatutako taldeak Iruñeko Viajes Marfil taldearen kontra jokatuko du. Nafarrak ezagunak dira, bi talde horiek joan den denboraldian elkarren kontra jokatu zuten-eta.

Gida komertziala

Gida komertzialeko produktuak