goiena.eus

Mozal Ordenantzarik Ez plataformak salatu du garbiketa ordenantza "erreminta politiko bezala erabiltzea"

 Arrasate

Orain dela bi hilabete onartu zuen Udal gobernuak garbiketa ordenantza eta Mozal Ordenantzarik Ez plataformak salatu gura izan du "erreminta politiko bezala" erabiltzea eta "aplikazioan arduragabekeria". Eta arrasatearrei dei egin die "ordenantzaren eraginik pairatuz gero harremanetan jartzeko" eurekin.

Zera adierazi dute: "Mozal Ordenantzarik Ez plataformak ordenantza honen ezarpen partziala eta erreminta politiko bezala erabiltzea salatzen du Udal gobernua, gizartearen mobilizazioa eta adierazpen askatasuna zentsuraz kontrolatzeko asmoa agerian geratzen baita. Herritarren ekimena burokraziaz oztopatzen eta ordenantzaren aplikazioa arduragabetasunez eramaten ari da, hiritarren eskubide minimo batzuk bermatu gabe".

Eta herritarrei dei egin die halako egoerarik gertatuz gero esateko: "Egoera salatzeaz gain, Mozal Ordenantzari Ez plataformak deialdi bat zabaldu nahi die arrasatear guztiei, ordenantzaren eraginak pairatzen badituzte, isunetan edo beste hainbat eratan, gurekin kontaktuan jartzeko, gure babesa erantzun kolektibo baten bidez izateko. Plataformarekin kontaktuan jarri nahi izanez gero, idatzi helbide honetara: mozalordenantzariez@gmail.com".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa