goiena.eus

'Atte hil aurretik' antzezlana gaur Kooltur eguenean

  Kultura  Arrasate

Antzerkiaz gozatu ahal izango da gaur Kooltur Ostegunak egitasmoaren barruan, Arrasateko gaztetxean, 22:00etan. Beheko Larraine konpainiaren obraren egilea zein aktore bakarra, luzaroan Artedrama taldean aritutako Miren Tirapu da, eta Maika Etxekopar izango du bidelagun zuzendari lanetan laguntzen. Teknikaz, berriz, Hats Teatroa arduratu da.

'Atte hil aurretik' antzezlana gaur Kooltur eguenean
'Atte hil aurretik' antzezlaneko une bat. | Ikusi handiago | Argazki originala

Atte hil aurretik antzezlanak lanean hartutako erabakien nahiz jasotako ondarearen eragina landu ditu; eta istorio dramatikoa bada ere, komediatik kontatzen saiatu da. Bertan ikusi ahal izango da Maxusek bere biloba Aneri gauero ipuin bera kontatzen ziola. Bi hilabete pasako dira, ordea, istorio hori azkenenekoz entzun zuenetik. Aratusteak gainean dira berriz, eta urtero bezala, Erremosenea baserriko harategira joango da Ane jaiak ospatzera; han agerian utziko dute amonak kontatzen zion ipuinak ezkutuan zeraman esanahia.

2017/02/16 22:00

Arrasateko gaztetxea | Arrasate

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa