goiena.eus

Euskal Trenbide Sareko zuzendari izendatu dute Aitor Garitano arrasatearra

 Arrasate

Euskal Trenbide Sareko Administrazio Kontseiluak, gaur egin duen bileran, Aitor Garitano Trojaola izendatu du erakundeko zuzendari nagusi berri, Jose Luis Sabas Olabarria ordezkatuz.

1983an Arrasaten jaiotako Garitano Bide, Ubide eta Portu ingeniaria da Kantabriako Unibertsitatetik. Bere ibilbide profesionala Dragados S.A. enpresan eta CTL Packaging USA, Construcciones Moyua eta Acciona enpresetako instalazio berrien ingeniaritza arduradun gisa gauzatu du.

Horrez gain, bere prestakuntza akademikoari dagokionez, International MBA titulua du IA Business School-etik eta ICCPko Ikastetxeko Project Manager Professional ziurtagiria.

Erantzunak

Erantzuna | #1

EAJ-PNV ko kargu baten semea dela esatea ahaztu zaizue.
Maria Ubarretxena, Elena Lete... kuriosoa da Eusko Jaurlaritzako zuzendariek beti EAJ-PNV rekin loturarenbat izatea. Zinegotzi egitea zuzendari izendatzeko biderik motzena dela dirudi. Agian onak izango dira haien lanpostuetan baina beti, a dedo, oposaketarik egin gabe, etxekoak barrura. Fijatzen bazarete, Urkulluren argazkia dago mutil honen despatxoan, Batzokian bezala. Aurretik egongo zen... Eusko Jaurlaritzakoa eskandalu bat da!

Erantzuna | #2

Zein erraza den pertsona baten curriculuma albo batean utzi, eta bere aitaren karguaz berba egitea, batik bat EAJ-PNV tartean dagoenean. Zorionez Aitor oso ongi ezagutzen dut, eta bere formazioa zein ibilbidea bikaina da. Ados nago "a dedo" aukeratutako postu horietako bat dela. Baina ZEROKORRUPZIOA protestatu zenuen Arrasateko aurreko gobernu taldeak komunikazio arduradun postua era horretan eman zuenean? Ez dut uste! EAJ-PNV omen da korrupzio eta hondamendi guztien sorburua, EHBIldu aldiz, pekatutik salbatuko gaituen San Gabriel arkanjelua.

Erantzuna | #3

Kurrikulum bikaina du (atzerriko MBA garesti eta pribatu horiek miragarriak omen dira) eta aparteko talentua beharko du bai, horrenbeste ikasi eta dagoeneko horrelako erantzukizuna bizkar gainean eramateko. Duen adinagatik hamar urteko lan esperientzia justu justu duela esango nuke... ez da ohikoa ez, lan esperientzia horrekin horrelako postu batera sartzea. Entxufismoaren teoriak gehiago konbetzitzen nau.
Ahaztu egin zaizu esatea MONDRAUTAR, Arrasateko gaur egungo gobernu taldeak ere Aintzane Oiarbide PNVko diputatu supertalentosaren komunikazio enpresa kontratatu duela komunikaziorako. Komunikazioan urte luzez egon ondoren, orain errepideetan aditua den superpolifazetika dugu Aintzane, zoritxarrez, ondo ezagutzen dudana. Zuek bai zuek, aurpegia!

Erantzuna | #4

Ados nago zurekin ZEROKORRUPZIOA, entxufismo eta dedismo guztiak amaitu beharko lirateke, guztiak baina. Oraindik ez duzu Leire Lardizabalen postuari buruz ezer esan.

Aintzane Oiarbideren kasua, zoritzarrez, ez da kasu isolatu bat, EAJ-PNVren udal askotan gertatzen baita, itxuraz diputatu izateak ez dizu beste mota bateko negozioak izateko aukera galarazten.

Oiarbideren multitask lanari buruz, gauza bat esango dut, Martin Garitanok ze prestaketa zuen diputatu nagusi izateko? Eta Larraitz Ugarte abokatuak errepideak kudeatzeko? Horiek ez dira superpolifazetikoak?

Mesedez, ez nazazu EAJ-PNVren hegalpean jarri, ez bait naiz horien kordakoa, kolore guztietako politikoez nazkatuta dagoen herritar bat besterik ez naiz.

Erantzuna | #5

ETSko aurreko zuzendaria: Jose Luis Sabas Olabarria, Azkunaren zinegotzi ohia.

Erantzuna | #6

Gainontzekoek egiten dutena kritikatu eta gertukoena babestu. Itxuraz ZEROKORRUPZIOAk PNVstile ongi baino hobeto ezagutu eta kopiatzen du. Ze pena.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa