goiena.eus

Urtarrila ere, kultura ekitaldi interesgarriz lepo Arrasaten

  Kultura  Arrasate

Arrasateko Udaleko Kultura Sailak kaleratu duen urtarrileko gidan Borobil antzerki taldearen Gu umeendako antzezlana, Su Ta Gar taldearen ikuskizun intimoa eta Artedrama taldearen Francoren bilobari gutuna antzezlana izango dira Amaia antzokian, besteak beste. Gainera, Kooltur Ostegunak ekimenaren barruan ere hiru kontzertu interesgarri izango dira hil honetan gaztetxean.

Urtarrila ere, kultura ekitaldi interesgarriz lepo Arrasaten
Francoren bilobari gutuna obra iragartzeko promozio argazkia. Argazkia: Socialantzokia.eus | Ikusi handiago | Argazki originala

Kooltur Ekintza taldearen Kooltur Ostegunak ekimenaren barruan, Zestoako Grises taldeak eskainiko du urte berriko lehen kontzertua; indie-rock doinuak eskainiko dituzte. Astebete geroago Bergarako What a band taldea igoko da gaztetxeko agertoki gainera eta hilabetea ixteko ardura izango dute, hilaren 26an, Gasteizko Sumision City Blues taldekoek. Jarraian, urtarrileko kartela.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa