goiena.eus

Julio Galarta pintorearen lanen bilaketak jarraitzen du

  Kultura  Arrasate GAURKOAK

Julio Galarta pintore arrasatearra jaio zeneko mendeurrena izanda, erakusketa egingo du elkarteak partikularrengandik jaso dituzten koadroekin. Hala ere, oraindik koadro gehiagoren bila ari dira eta ondoren aukeraketa bat egin ostean, baimena eskatuko dizkie jabeei hauek erakusketan jartzeko.

Partikularrengandik 1000 koadrotik gora jaso dituzte dagoeneko eta orain arte koadroen argazkiak eta neurriak eskatu dizkiete jabeei. Aurrera begira, aukeraketa bat egingo dute erakusketarako. Dena den, oraindik gehiago batu nahi dituzte elkarteko kideek.

Arrasatekoen bila

Galarta pintoreak bere linea mantentzen zuen, baina hala ere gauza bitxiak ere aurkitu dituzten arren, Arrasateko bazterretako margoekin osatu nahi dute erakusketa. "Kanpoko margolan asko daude, Arabakoak batez ere, bertako ia herri guztietako koadroak daude, baina guk Arrasateko bazterretako koadroak batu nahi ditugu" adierazi du Alvaro Arregi Julio Galarta Pintorearen Lagunak Elkarteko lehendakariak.

Galartaren bizitza goraipatuz

Galartaren koadroak azpimarratzekoak direla azaldu du elkarteko lehendakariak. Arrasaten margolariak egon arren, Galartak margolaritzari eskainitako bizitza ez dagoela beste batekin konparatzerik. "Eduki badugu Arrasaten pintore bat, Julio Galarta izan da, autodidakta hasi eta ikastera Bartzelonara joan zena. Bere linea jarraitu zuen hil arte. Izan ere, hil bezperetan koadro bat margotzen zebilen, ez zuena bukatu…"

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa