goiena.eus

Zuhaitz Eguna hilaren 16an ospatuko da Arrasaten

  Ingurumena  Arrasate

Zuhaitz Egunaren harira, landaketa egingo dute Kurtzetxikin, eta arrasatearrek aukeratutako pago gorria ere landatuko da Arrasate pasealekuan (13:00). Gainera, Zuhaitz Feria egingo dute egun berean Seber Altube plazan (09:00-14:00) eta, amaitzeko, fruta arbolak inausteko ikastaroa antolatu dute Ingurumen Eskolan. 

Zuhaitz Eguna hilaren 16an ospatuko da Arrasaten
Iazko Zuhaitz Feria. | Ikusi handiago | Argazki originala

Kurtzetxikiko landaketarako 09:00etan elkartuko dira Debagoieneko ospitalearen aurrean. Hortik Kurtzetxikira igoko dira eta bertan gaztainondoak eta intxaurrondoak landatuko dituzte. Amaitzeko, mokadutxoa hartuko dute Seber Altube plazan, 12:00ak aldera. 

Sei mintegi Zuhaitz Ferian

Izan ere, Seber Altube plazan hileko hirugarren zapatuan egin ohi den baserritarren azokarekin batera Zuhaitz Feria egingo dute (09:00-14:00). Sei mintegi etorriko dira aurten eta, besteak beste, fruta arbolak, koniferoak, basoko landare autoktonoak eta basoko fruitu txikien espezieak erosteko aukera egongo da. 

Ikastaroa Ingurumen Eskolan

Bestalde, fruta arbolak inausteko eta haien gaixotasunak ezagutzeko ikastaroak ere antolatu ditu Udalak, urtarrilaren 23rako, otsailaren 6rako eta otsailaren 13rako. Saio horiek Ingurumen Eskolan (943 77 04 88) emango dira. 

2016/01/16 09:00

Kurtzetxiki, Seber Altube eta Arrasate pasealekua Arrasate

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa