Zalduspeko zubian (Debagoieneko Ospitale parean) zama-proba bukatu berri dute. Zubia berritzeko lanen barruan izan da. Eguenean bukatu zuten proba hori eta egubakoitzean arrastoak garbitzen ziharduten langileek.
Lotura batzuk errematatzea bakarrik geratzen zen egubakoitzean eta horretan zebiltzan langileak.
Zenbait egun behar izan dira zama-proba egiteko. Hain zuzen, bidoi handiz estali zuten plataforma, zubiak pisu handia har zezakeela egiaztatzeko.
Luzapen bat baino gehiago onartu ondoren, iraila da zubia berriz irekitzeko dagoen data. Urtarrilean hasi ziren eraberritzeko eta hobetzeko lanak, eta orduz geroztik dago itxita. Irrist egitea galarazten duten hormigoizko harlauza berriak izango ditu.
2015 uzt 20 Arrasate
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.