Kepa Arkauz preso arrasatearra Meaux kartzelara eraman dute. Orain arte bost hilabetez bakartuta egon da Villepinteko kartzelan, eta irailetik gaur arte Mitard izeneko ziega baten egon da, euskal presoen kolektiboko kide batekin jar dezaten eskatuz. Orain Oier Gomez preso gasteiztarrarekin dago Meaux kartzelan, orain arte zegoena baino urrunago.
Bost hilabeteren ostean, eta hilabetetik gora Mitard izeneko ziegan bakartuta egon ondoren, beste euskal preso batekin dago orain Arkauz, Oier Gomez gasteiztarrarekin. Hilabetetik gorako borrokaldia eraman du preso arrasatearrak. Arkauz Villepintetik Meauxera eraman duten aldi berean, Meauxen zeuden bi euskal preso Villepinteko espetxera aldatu dituztela. Hau da, Arkauz orain arte egon den espetxera.
Espetxe aldaketaren ondorioak
Arkauzen kasuan, momentu honetan, senideek ez dakite orain arte hartuta zituzten bisita egunak mantenduko diren, noiz izango dituzten…. Meaux espetxean eta Villepinten bisitak ezberdinak dira-eta. Senideek ez dute inolako informaziorik oraindik, eta Oier Gomezen senideekin egotekoak dira haiek esango dietenaz zerbait gehiago jakin asmoz.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
