Zapatu eguerdian Osakidetzako 30 bat langilek protesta ekitaldia egin zuten Arrasateko herriko plazan, osasun sailak izan ditzakeen murrizketen kontra. "Jendea sentsibilizatu, informazioa eman eta murrizketa horiek ez aplikatzeko eskatzeko sinadurak batzea izan da helburua. Eta oso pozik gaude; 400 sinadura batu ditugu ordu bakar baten", adierazi du LABeko ordezkari batek.
Egingo dituzte gehiago
Ordezkari horren esanetan, datorren astean bilduko da zerbitzu publikoen mahaia, eta orduan egun baino informazio gehiago izango dutela uste du. "Murrizketak egongo direla susmo bat da oraindik, nahiz eta pisu handikoa den, baina datorren asko bilera egin ostean jakingo dugu zer nolakoak izango diren murrizketa horiek. Informazio gehiago izango dugu".
Informazio hori jakinda, protesten egutegi bat prestatuko dutela aurreratu du.