"Ondo defenditutako partidua egin dute. Euren jokoa egiten ez diote utzi eta presionatuz, lehen zatia oso ondo jokatu dugu", azaldu digu partiduaren bukaeran Andoni Ezkurrak entrenatzaileak. Lehen zatiko aukera garbiena ere Mondrarendako izan da, nahiz eta huts egin. Bigarren zatian, Athletic-ak asko arriskatu du, baina, presioa ondo aguantatzeko gai izan dira etxekoak. "Oso jokalari onak ditu, baina ondo antolatutako jokaldian Naiara Letek baloia barrura sartu du bat eta hutsekoa eginda". Ondoren etorri da banakako berdinketa: jokaldi polit baten ondorioz, gola sartu dute Athletic-ekoek.
Hurrengoa, Zarautzen
Hamaikagarren postuan aurkitzen da orain Mondra. Pixkanaka goraka doa eta atzealdean daudenei tartea handitzen. '"Gaurko moduko partiduak egiten jarraitzen baditugu irtengo gara beheko postuetatik", azaldu digu Ezkurrak. Zarautzera joango dira datorren domekan. "Aurten igotako taldea da, baina taldekideak beteranoak direnez, ez da bat ere erraza izango partidua; gogorra izango da. Gainera zelaia handia da eta fisikoki ez da samurra izango. Oso parekatutako partidua izango da", azpimarratu digu.