Iban Velasco: "Ez da atsegina azken orduan jakitea ez dudala Piamonten eta Lonbardian korrituko"

Arrasateko txirrindulariak twitter-en esan berri du ez dela Piamonteko eta Lonbardiako lasterketetan egongo, taldeak azken orduan hala aginduta. Arrasatekoak barneratuta zeukan talde laranjaren erabakia, kontratua ez luzatzearena, eta berdin entrenatzen ari zen, denboraldi amaiera ona egin eta agurra orain arte moduan egiteko, lanean. Baina ez da posible izango, ezingo du Italian korritu. Hitzordu horiek alde batera utzita, urteko azken hitzordua Txinan du Velascok, baina ikusi egin beharko da Arrasatekoak, dagoeneko, azken lasterketa korritu ez duen. Ez luke halakorik mereziko.