Pakistango eta Saharako tea, Hegoamerikako arepak, cus-cusa... munduko zapore exotikoak, baina era berean, zelanbait "gureak" ere badirenak eraman zituzten zapatuan baserritarren azokara. Guztiak ere, gure artean bizi diren
Hainbat etorkinek herrikideei emateko prestatutakoak ziren. Eta aipatzekoa da arrasatearrek eta gainontzeko bisitariek gogo eta gustu onez dastatu zituztela jakiok, eta zela prestatzen diren ikusi ere bai. "Oso pozik gaude gu eta oso pozik ibili dira eurak hemengo kontuetan sartzeko aukera izan dutelako eta arrasatearrekin harreman zuzena izan dezaketelako, besteak beste", adierazi du Iraitz Agirrek, Bagara elkarteko ordezkariak. "Mundu guztia berdina dela esan nahiko nuke", mezua azpimarratu gura izan du, berriz, Brahimsalem Lehesen sahararrak.
Bagara elkarteak azoka bizi-berritzeko egitasmoaren baitan gauzatutakoa izan da zapatuko parte-hartze hori. Uda aurrekoak eginda, informazioa jasotzeko prozesua amaitutzat eman dute.