Mirenkarmele Zuazubiskar hil berri da. Hil bai, baina gure artean jarraitzen du oraindik ere: bere errautsak beilatokian jarri dituzte, eta handik pasako dira antzezlanak igarotzen duen orudubete inguruan bere senar Bittor, bere lagunak, bizilagunak, gaztetako amodioak eta senide gorrotatu eta gorrotatzaileak. Mirenkarmelek denak ikusiko ditu, denei egingo die berba, denei leporatu edo eskertuko die zerbait. Baina mamua da, eta besteek ez dute bera ikusiko, ezta entzungo ere.
Horrelaxe labur daiteke atzo Doke taldeak Arrasaten estreinatu zuen 'Paradisuko atean' antzezlanaren muina. Muina bakarrik, izan ere, jose Mari Velez de Mendizabalek idatzitako testuak beste hainbat alor, beste hainbat gai ere lantzen ditu. beti umore puntu bat atzean dela: batzuetan ezkutuagoa, beste batzuetan nabarmenagoa. Kronika osorik, Asteleheneko Goiena Paperean.