Jaialdia 17:00etan hasiko da, auzoan barrena egingo den altxorraren bila jolasarekin. Parte hartzeko izenematea bikoteka egin beharko da guxienez, eta bikotekideetako bat heldua izan beharko da. Interesatuak etzirako, maiatzak 17, apuntatuta egon beharko dira; ludotekan bertan edo Fatima supermerkatuan eman daiteke izena.
Patata tortilla lehiaketa
Altxorraren bila jolasa amaitu ondoren, 18:00etan, ludoteka aurrealdeko plazan, auzoko patata tortilla lehiaketa egingo da. Horretarako, parte hartzaile bakoitzak tortilla prestatzeko beharrezko osagaiak eta tresnak eraman beharko ditu. Kasu honetan ere, parte hartzeko, ludotekan edota Fatima supermerkatuan eman beharko da izena; gaur da azken eguna.
Patata tortilla lehiaketak dirauen bitartean, musika, dantza, jolasa eta dibertsioa izango dira nagusi Usaetxeko plazan eta, jaialdiari amaiera emateko, txapelketako sari banaketa egongo da 19:30 aldera.
Informazio gehiago
Informazio gehiagorako Usaetxeko ludotekara hurbildu edota deitu 943 79 54 46 telefono zenbakira.
Usaetxeko ordutegia: astelehenetik ostiralera 17:00etatik 20:00etara.