Pertsonalburuak egindako txostena aztertuta, asteleheneko Tokiko Gobernu Batzarrean 4.665,29 euroko aurrekontua onartu zuten bulego berrian, besteak beste, altzari osagarriak eta ordenagailuak erosteko; izan ere, Kultur Atera aldatzeak nabigaziorako hamar ordenagailu gutxiago izatea suposatzen du. Hori saihesteko, egun Kultur Aten dauden 15 ordenagailuei beste 6 gehituko zaizkie.
Udaleko iturrien arabera, aldaketa epe laburrera aurreikusten da, hau da, altzariak jaso eta informatikariek egin beharreko lan tekikoak egin ahala.
Amaitzeko gogora ekarriko dugu, KZ guneak formaziora bideratzen duela haren jardueraren erdia eta horregatik, formazioak nabigazioa galarazi ez dezan, informatika gelan espazio bat moldatuko dute formazioa emateko eta horrela, aldi berean eskaini ahalko da nabigazioa eta formazioa.