Partidua hasi eta segidan, 7. minutuan egin zuen lehen gola Mondrak. Rakelek boleaz areara bidali zuen baloia eta atezainaren errebotea Maialenek bidali zuen ate barrura. Abantaila handitzeko beste hainbat aukera izan zituzten arrasatearrek, baina ez zuten asmatu. Mondrak oso ondo bilatzen zuen zarauztarren defentsaden bizkarra, eta baloi luzeekin behin baino gehiagotan egon ziren Iribar atezainaren aurrean, bakar-bakarrik.
Bigarren zatiaren hasieran, 54. minutuan egin zuten Mondrak bigarrena. Mondrako jokalari baten egindako falta erdiraketa gaizki urrundu zuen atezainak, eta Ainhoak gola egin zuen. Lehia erabakita zegoela zirudien, baina 65. minutuan Merino epaileak Modrako atezaina kalera bidali zuen. Penalti egin zuen eta txartel gorria erakutsi zion. Arrasatearrek ez zuten ordezko atezainik eta Vanessa jokalariak jantzi zituen eskularruak. Zarautzek gola egin zuen eta Mondra bat gutxiagorekin geratu zen. Handik aurrera, arrasatearrak urduri jokatu zuten. MInnutu batzutan zelai erdiko kontrola galdu zuten, eta zarauztarrak areara hurbiltzen hasi ziren, baina gol aukera garbiak egin gabe. Lehia bukatzeko bost minutu geratzen zirenean, Zarautz hamar jokalarirekin geratu zen: Martak bigarren txartel horia ikusi zuen.
Bukaeran, pozarren ospatu zuten garaiepena jokalariek eta zaleek. Mondrako neskek indartsu jarraitzen dute igoera fasean.