Kantuak eta dantzak ez dira falta izaten Al-Andalus elkarteko edozein ospakizunetan, eta oraingo asteburuan ere halaxe izan da: egubakoitzean hasi eta domekara arte ehunka bisitari izan dituzte Zigorrolako elkartean: “110 lagun izan ginen afarian, eta gaur, domeka, 150 bat lagun-edo pasatu da hemendik, Bergarakoak, Eskoriatzakoak, Aretxabaletakoak, eta jakina, Arrasatekoak”, kontatu dute elkartekoek.
Andaluziaren Eguna
Eta asteburukoarekin nahikoa lan ez, eta dagoeneko badabiltza hurrengoa preparatzen: “Lau aste barru Andaluziaren Egunarekin hasiko gara. Egia esan, lan handia egiten dugu. Urtean hiru ekitaldi garrantzitsurekin hasi ginen eta handitzen-handitzen joan da. Adibidez, Errozioa Estatuko iparraldeko inportanteena da”, kontatu du Rafael Gomezek, Al-Andalus elkarteko presidenteak.