Helduen Heziketa Iraunkorreko lokalei dagokienez, lehengo IMIn egokitu behar dituzte; Arrasate pasealekuan, beraz; gaur hasita, 18 hilabeteko epean bukatu beharko dituzte lanok. Aurrekontua, berriz, da 487.600 euro pasa, BEZa barne.
Zazpi ikasgela eta beste
Guztira, 35 metro koadroko zazpi ikasgela, irakasle gela, liburutegi eta informatika gela bana, eta besteak beste, zuzendaritza eta administraziokoendako beste gela bat egoki behar dituzte, esandako moduan, Helduen Heziketa Iraunkorrekoek erabil ditzaten. Oiartzungo Construcciones Otegi Gaztañaga enpresak egingo ditu lanak.
Gaztetxokoa
Gaztetxokari dagokionez, berriz, Pablo Uranga kalean egokituko dute erdiguneko gazteei zerbitzua emateko gune berria. Hain justu ere, orain arte AED eta Ekin elkarteak egon diren leku berean.
Gaztetxokoaren kasuan, bost hilabetean bukatu beharko dituzte lanok. Aurrekontua da 286.000 euro pasakoa, eta Zarauzko Amenabar enpresa arduratuko da obrekin.