"Jende gehiago espero genuen, baina eguraldiak ez du lagundu; eta gainera, ezin izan dugu barbakoa erabili. Hala ere, pozik gaude eta jendea gustura ibili da", adierazi du Esteban Sanchezek, elkarteko kultura arduradunak asteburuaren balorazioa egiterakoan.
Gastronomiak arrakasta handien
Izan ere, makinatxo bat extremadurar batu da asteburuan Corazon de Encina elkartearen egoitzan urteurreneko ospakizunetan parte hartzeko. Ekitaldirik jendetsuenak, zela ez, gastronomiaren bueltakoak izan dira: zapatuko afarian 100 lagun elkartu ziren eta domekan, Extremadurako jakiek talde ederra erakarri zuen mahaiaren bueltara eguerdiko luntxean. Guztiek ere topa egin zuten Extremaduraren alde.