<!-- @page { margin: 2cm } P { margin-bottom: 0.21cm } -->
Arrasateko Udalak Musakolako erretiratuen etxeko taberna eta Abaroa zein Iturbide egoitzetako ileapaindegi zerbitzuak esleitu behar ditu eta lehiaketa deitu du. Urtebeteko esleipenak izango dira, bost urtera arte luzatu daitezkeenak.
Baldintzak
Musakolako erretiratuen etxeko tabernaren ustiapena hartzen duenak zerbitzu hori astelehenetik domekara bitartean eman beharko du. Bere lana izango da, halaber, atezain lanak egitea, taberna zerbitzurako diren lokalen eta instalazioen erabilera zaintzea eta garbiketa lanak egitea. Gainera, gutxienez urtean behin, egoitzako lehio guztiak garbitu beharko ditu.
Abaroako zein Iturbide egoitzetako ileapaindegiak hartzen dituenak biak mantendu beharko ditu zabalik. Ileapaindegiak hornituta daude eta zerbitzua eman beharreko ordutegiak finkatuta. Garbiketa lanak ere onuradunak egin beharko ditu.
Baldintza horien gaineko xehetasun gehiago behar izanez gero jakin kontsultarako gertu dituzuela ongizate saileko bulegoan zein Biztanleen Arreta Zerbitzuan.