Oso gazte, 16 urte zituela, etorri zen Arrasatera, 1922an, Alfonso XIII.ren garaian hain zuzen ere. 1936an, ordea, gerra garaian, beste hainbat herritar bezala, herritik alde egin behar izan zuten errepublikarrak zirelako.
Bere senarra Kanpanzarren fusilatu zuten 36ko irailean. Eta egun, Debagoieneko gerra alargun bakarra da Brigida.
Ordutik hona, gure herrian bizi izan da 84 urte luzez. Bere alaba izan du beti ondoan, eta iazko apiriletik aurrera, Iturbide, jubilatuen egoitzan bizi da Brigida. Bi seme-alaba ditu, 6 iloba eta 12 birbiloba.
Omenaldia beroa Brigidari
Inguruko lagunekin eta senitartekoekin egindako ospakizunez gain, Arrasateko Udalak behar bezala zoriondu nahi izan du Brigida. Horregatik, gaur, urriak 9, goizean, omenaldia egin diote Iturbide egoitzan.
Besteak beste, Inazio Lakuntza alkatea eta Gipuzkoako Foru Aldundiko ordezkari Fernando Etxebarria izan dira. Alkateak udaletxeko zilarrezko intsignia oparitu dio herriaren izenean. Fernando Etxebarriak, Foru Aldundiko ordezkariak, ere, plaka oroigarria eman dio opari gisa. Eta Iturbideko egoitzako langileek lora sorta eskaini diote.