Egitaraua
17:00etan Auskalo kale animazio taldea izango da herriko bazterretan umore ona zabaltzen.
19:00etan haurrentzako erraldoi eta kilikiak izango dira Arrasateko Gaiteroekin batera.
20:00etan, urtero bezala, Maritxuri lore eskaintza egingo zaio herriko plazan, eta beti bezala, aurtengo miraria zein izango den jakingo dugu ordu horretan.
Gauerdian, dantzaldia izango da herriko plazan Iratxo taldearen eskutik. Eta Seber plazan Iruzta taldeak alaituko du gaua.
Autobus zerbitzu berezia
Maritxu Kajoi eguna dela eta, PESAk autobus zerbitzu bereziak jarri ditu gaur gauerako. Zapatu gauetan izaten den zerbitzu bera jarri dute gaur.
Eibartik Arrasatera, gaueko hamabietan hasi eta goizeko 6ak bitartean, ordu oro irtengo da busa.
Arrasatetik Eibarrera gauerdian hasi eta goizeko 6ak arte, ordu oro irtengo dira autobusak Zerrajeratik.
Eskoriatzatik Arrasaterako norabidean, 00:30ean hasi eta goizeko 6 terdietara izango dira autobusak ordu oro.
Arrasatetik Eskoriatzara, maiztasuna handiagoa izango da.
Oñatitik hiru bus irtengo dira Arrasatera. 01:00etan, 03:00etan eta 06:00etan.
Arrasatetik Oñatira, 00:40ean, 02:40ean eta 05:40ean.
Arrasate Irratian saio berezia
Arrasate Irratian gainera, urtero moduan, saio berezia egingo dugu arratsaldeko 8etan.