Koldo Azkoitia Aldundiko bozeramaileak esan du Zerrajera-2 eremuak sei lurzati izango dituela: bost etxebizitzetarako izango dira eta beste bat jarduera ekonomikoetarako. Eraikinek ondorengo egitura izango dute: garajeetarako sotoa, merkataritza jardueretarako izango diren behe solairuak eta etxebizitzetarako zazpi solairu. Eraikinek gehienez ere 25,5 metroko altuera izango dute teilatu hegaleraino.
Foru Aldundiaren erabakian, iraunkortasuna eta ingurumen eragina zaintzera bideratutako neurri batzuk aurreikusten dira. Era berean, eraikin berriek nahitaez 10 metroko gutxieneko tartea gorde beharko dute Deba ibiaren ubide publikoaren mugaketa lerrotik.
Urbanizazio berriak eragingo duen biztanle dentsitatearen hazkundeari erantzuteko, onartutako agiri horretan beharrezkoak diren espazio libreak ere gehitzen dira. Horrela 3.700 m2 birkalifikatuko dira eta Zerrajera-2 eremuko hegoaldean parke berri bat egingo da.