Urtarrilaren 1ean, Arrasaten gertatu zen lapurreta. Hain zuzen ere, San Andres auzoko ostalaritza lokal batean.
Salaketan esandakoa
Jarritako salaketaren arabera, bikote bat kopa batzuk hartzen ari zen. Une horretan bi pertsonak eraso egin zien. Labana atera zuten eta dirua eskatu omen zien. Gertatzen ari zena ikusita, lokalean zeuden hainbat bezero biktimari laguntzen saiatu ziren eta erasotzaileek ihes egin zuten.
Ustezko erasotzaileak lokal horretara itzuli ziren eta kanpoan telefonoz hitz egiten ari zen gizon dominikar bat eraso zuten labana batekin. Hainbat sastada eman zizkioten buruan eta gorputzean, eta ihes egin zuten. Bi erasotzaileek bigarren biktima hau aurreko gizona zela uste izan zezaketen.
Zauritua hospitalera eraman zuen tabernako langile batek. Ondoren salaketa jarri zuten Ertzaintzan.