Joan den mende hasierakoa zen Arrixan etxea. Zarugalde kalearen luzapena. Lehen, errepide nagusia, herrien artekoa, etxe horren aurretik pasatzen zen. Beraz, antzinako argazki askotan ikus daiteke Arrixan.
Orain, berriz, azken urteotako tendentziari jarraituz, Arrixan-ek lekua utziko dio etxe berri bati. Udaletik jakinarazi digutenez, 18 etxebizitza eraikiko dituzte han, honako banaketarekin: behe-solairua, solairu artekoa, lau solairu eta ganbara (teilatupea). Enpresa eraikitzaileak dagoeneko badu udal baimena etxe berria eraikitzen hasteko, beraz, eraiste lanak eta hondakinak kentzeko lanak bukatu bezain laster has daitezke.