Gaur,irailak 23, 19:30ean hasiko dira jaiak, etxafuego eta bestelakoekin; ordu laurden geroago, bertso-saioa egingo dute, ibarreko eta inguruko bertsolariekin; 22:00etan, berriz, dantzaldia, Txinparta taldearekin, eta gauerdian, laminei eta Neanderthalgo gizakiei ongi etorria egingo diete. Era berean, gauez bolatokia zabalik izango da, guztiondako.
Zapatuan, kirola eta musika
Bihar, irailak 24, berriz, 12:00etan auzoko hildakoen aldeko meza esango dute; 12:00etatik 14:00etara, Kulkirekin arrantzaleen joko eta jolasen jaia izango da eta 16:30etik 18:30era, futbol partiduak, umeendako. Bestalde, Gorritiren animaliek ere bisitatuko dute Garagartza, 18:30etik 20:30era; eta arratsaldean zehar, trikiti doinuek lagunduko dute giroa berotzen. Gauean, berriz, 21:00etatik 01:00etara, rock jaialdia egingo dute, Garagartzako Bigarren Neanderthal rock kontzertua, hain justu ere. Eta bihar gauean ere zabalik izango da bolalekua.
Bukatzeko, domekan, 11:00etan meza izango da, 12:00etan dantzak, Txikitxurekin eta 14:30ean, auzo bazkaria eta erromeria, Haitzama taldearekin.
Eta hurrengo eguenean, berriz, 19:00etan meza esango dute, San Migelen omenez eta gero, luntxa egingo dute Patxizenean.