Joan den urtean Juanito Artzamendi musikagile eta konpositore arrasatearra hil zenean hutsune handia utzi zuen herrian. Lagun asko zituen eta, besteak beste, Arrasateko Musika Eskolako, eta eskola bereko Orkestraren sortzaile izan zen.
Haren ikasle izandakoek eta lagunek urteurrenean omenaldia egitea erabaki zuten. Horretarako, Arrasateko Musika Eskola, Goikobalu eta Parrokiako Korua batu ziren.
Hiru kontzertu egingo dituzte: maiatzaren 28an, Eskolako Bandak eta Goikobaluk egingo dute Monterronen, 13:00etan.
Egun berean, Eskolako Orkestrak eta Goikobaluk emanaldia egingo dute Amaia Udal Antzokian, 20:00etan.
Bukatzeko, maiatzaren 29an, Parrokiako Koroak meza abestua egingo du parrokian, 11:00etan.
Amaia antzokiko emanaldia Juanitoren alaba Beatrizek zuzenduko du. Txartelak 6 euro kostatuko du, eta aurreko egunetan antzokiko txarteldegian salduko dituzte.