Honako taldeek esku hartuko dute topaketetan: Haur Hezkuntzan, Arizmendiko Olarte guneak; Lehen Hezkuntzan, San Viator Txiki guneak, Aramaioko San Martin herri eskolak, Arizmendiko Almen guneak eta Oñatiko Txantxiku ikastolak; eta Bigarren Hezkuntzan, Berrizko institutoak eta Arizmendiko Almenek, San Viatorrek eta Ferixalekuko guneetako ikasleek osatutako taldeak. Guztira, 200 ume eta gaztetxok baino gehiagok abestuko dute.
Honako piezak abestuko dituzte, besteak beste: "Muxu truk", "Guk euskaraz", "Airez aire", "Gailurrez gailur", "Mantxa pio", "Uso txuria", "Xarmengarria", "Dubadap da", "Umorez" eta "Kantari kantari-pozik".
Hiru euro kobratuko dituzte sarreran, eta jasotako dirua Harreman gobernuz kanpoko elkarteari emango diote. Honek Bombayko (India) umezurtz-etxe batera bideratuko du diru hori.