Euskaltelekoak Astoren

Xabier Urtzelai 2005ko urt. 12a, 13:24
Denboraldi berriarekin arropa berriak estreinatuko dituzte Euskaltel-Euskadikoek. Eta arropa horiek non eta nola egiten dituzten ikusten ibili ziren atzo txirrindulariak. Goizean Etxe-Ondo markaren lantegian izan ziren. Arratsaldean, berriz, Arrasatera etorri ziren, Astoreko lantegia bisitatzera.

Etxe-Ondo markak egiten dizkiete bizikletan ibiltzeko arropak, eta Astoreren esku daude gainontzeko txandal eta bestelakoak jantziak.

Astoren egin zuten egonaldian, lantegikoek arropak nola egiten dituzten erakutsi zizkieten. Prozesu osoa, gainera: diseinutik hasi eta josten duten artekoa.

Arropez gain, baina, GOITBko lankideek izan zuten ziklistekin berba egiteko aukera. 20 egun barru hasiko dira lasterketak, eta dagoeneko buru-belarri dabiltza entrenamendu saioetan. Horren adibide da goizean Etxe-Ondoko lantegitik irten eta Arrasatera iritsi aurretik talde osoa entrenatzen izan zela.


ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak