Sorgintxulo aurrera! Herri bat gaztetxe bat! lelopean kale agerraldia egin dute Debagoieneko zenbait gaztetxetako ordezkariek Arrasateko plazan. Era horretan, ibarreko gazte asanbladetako kideek elkartasuna adierazi nahi izan diete Bilboko Santutxu auzoko Sorgintxuloko kideei.
Debagoieneko gazte asanbladak elkarlanean
Arrasaten elkartu dira; Elgetako, Aretxabaletako eta Arrasateko kideak, baina gainerako gazte asanbladak ere ordezkatzen dituztela adierazi dute. Bilboko Udalaren jarrera salatu dute debagoiendarrek, eta gaztetxeen aldeko borrokak segitu behar duela aldarrikatu dute. Debagoienetik babes osoa eskaini gura izan diete bilbotarrei, eta gogor kritikatu dute poliziaren zein alderdi politikoen.
Bilboko Sorgintxuloko kideei elkartasuna adierazteko kale bilkurak egin dituzte eta hiruorrikoak ere banatu dituzte. Arrasateko plazan egindako agerraldiarekin ere elkartasuna adierazi nahi izan diete.