Aurtengo denboraldian Zarautzek (0-3) eta Aretxabaletak (2-3) ondo asmatu dute Zestoaren zelaian nola jokatu behar den erabakitzerakoan. Bi talde horiek dira zestoarren etxean irabazteko gauza izan diren bakarrak. Eta Realaren harrobiko talde UPVk, adibidez, ez zuen hareazko futbol zelai txiki horretan irabazterik lortu. Realeko gaztetxoek ondo dakite futbolean egiten, baina Zestoan irabazteko hori baino askoz ere gehiago behar da.
Jakin beharreko guztiak, baina, ondo baino hobeto dakite bai Josu Zubiak eta baita bere mutilek ere. Ez da izango lehenengo aldia Zestoan jokatzen dutena, eta badakite zestoarrek etxean galtzea garesti saltzen dutela.