Prentsaurrekoa eman zuten taldeek azpimarratu zuten jaietan eta kulturan herritarren partehartzea ezinbestekoa dela. Horretarako, herritarrak talde lanean ibiltzea eta antolakuntzan ardurak banatzea eskatu zuten.
Honako taldeek egin dute egitarau hori: besteak beste, txosnen batzordeak, AGAKOk (gazteen batzarra), herriko jaien hainbat batzordek eta zenbait gizarte eta kultura eragilek.
Ekitaldi gehienak Monterronen azpian, Kondekuako txosna gunean, egingo dituzte.
Eguaztena, 23 18:00etan, protesta triki-poteoa alde zaharrean. 20:00etan, txosnen irekiera. 22:30ean, kontzertua. 01:00etan, presoen aldeko kale agerraldia, Seber Altubetik. Horren ostean, kontzertua.
Eguena, 24 16:30ean, umeendako ikuskizuna. 21:30ean, Zaharrak Berri Tour bertso saioa. Fredy Paya, Jokin Uranga eta Xabier Silveirarekin. 01:30ean, Nekin taldearen kontzertua.
Egubakoitza, 25 19:30ean, Etxeratek deituta kontzentrazioa Herriko Plazan. 20:00ean, sagardo eta pintxo dastatzea txosnetan. Horren ostean, triki-poteoa.
Zapatua, 26 14:00etan, herri bazkaria. 16:00etan, Aretxabaletako batukadarekin txikiteo saltseroa. 19:00etan, olinpiada olinpikoak. 22:30ean, kontzertua gaztetxean Anger eta Kuraia taldeekin.
Guzti horrez gain, txosna gunean, itxi artean, ogitartekoak, hanburgesak eta patatak emango dituzte.
Egitarau alternatibo hori finantzatzeko elastikoak eta bestelakoak salgai ipiniko dituzte.