Euskadiko Kutxatik Juan Mari Otegi presidentea izan zen. Carmelo Urdangarin, eta Javier Mongelos, MCCko presidente izandakoa ere San Frantzisko parrokiara hurbildu ziren. Euskadiko Lan Elkartuko kooperatiben elkarteko presidentea, Patxi Ormazabal, eta Juan Luis Arrieta, Euskadiko Kooperatiben Kontseiluko zuzendaria ere hileta elizkizunetan izan ziren. Zapatuan egin zioten azken agurra Jesus Larrañagari, Arrasateko kooperatibismoaren sortzaileetariko bat izan zenari. Azkenaldian gaixo zegoen, eta joan den eguakotxean hil egin zen 77 urterekin. Larrañaga ezaguna zen, beste lau lagunekin batera, 1956an Ulgor izeneko lantegia abiarazi zutelako San Andres auzoan. Ulgorren, urtetan zuzendari komertziala izan zen. 1970ean, Fagorreko kudeatzailea izan zen eta 1981ean, zuzendari, Fagor taldearen nazioarteko operazioetan. Kooperatibetan erretiroa hartuta, AENOR erakundeko sortzaile eta presidente izan zen. Hainbat liburu eta eta artikulu ere idatzi zituen. Politikan ere esku hartu zuen, Eusko Alkartasunako exekutibako kide izan zen-eta.