Maiatzaren 13an, eguena, Eskola Politeknikoko ikasleek San Pankrazio eguna ospatuko dute.
Ekitaldiak maiatzaren 12an hasiko dira. 20:00etan, hamalau orduko areto futbol txapelketa hasiko dute.
Maiatzaren 13an, Basket 3x3 txapelketa egingo dute, 10:00etan, Iturripeko kantxan.
11:30ean, txistorra-jana egingo dute.
11:45ean funky dantza emanaldia egongo da, eta 12:00etan Ameba taldeak kontzertua egingo du.
12:30ean, 14 ordutako areto futbol txapelketaren finala egingo dute, Iturripeko kantxan.
14:15ean, ikasleendako herri bazkaria egongo da.
17:00etan, mus txapelketa egingo dute, kantinan. Ordu berean, areto futbolaren eta saskibaloi txapelketen sariak banatuko dituzte.
21:30ean, Eraso eta Kerobia taldeek kontzertua egingo dute.
Parranda ere soberan egongo da, ziur.