Eusko Jaurlaritzak 21.725,70 euro eman dizkio Arrasateri , Erguin auzoa berriztatzeko proiektuan egindako lanengatik eta, bestalde, Alde Zaharreko zati batzuetan zoladura aldatzeko proiektuan burututako obrengatik. Diru kopuru horretatik 2.113,89 euro Erguingo obrendako izan dira eta gainontzeko 19.638,81 euroak Alde Zaharreko toki aldapatsuetan galtzada-harri labainkorrak kendu eta latzagoak jartzeko egindako lanetarako eman ditu Jaurlaritzak.
Udalek jasotzen dituzten diru-laguntza horiek hirian eta eraikinetan irisgarritasuna edo akzesibilitatea hobetzeko lanak egiteko eta, bestalde, irisgarritasuna bermatzeko ekipamendua erosteko ere jasotzen dituzte.