Zaldibarko Txapelketa antolatzeko laguntzaileak behar dituzte. Antolakuntzakoak hasi dira lanean, baina oraindik ez dira asko, eta horrelako txapelketa bat aurrera ateratzeko jende asko behar da.
Hainbat berritasun
Aurten hainbat aldaketa izango dira Zaldibarko Txapelketan. Batetik, joko gogorra eteteko asmoarekin, antolatzaileek bost falten araua probatu gura dute. Antolatzaileek ez dakite joko gogorrarekin amaitzeko erabaki egokiena izango den, baina argi dute zerbait egin behar dutela. Horrekin batera, txapelketaren beste arazoetako bat protestena da. Taldeek askotan ez dituzte antolatzaileek hartzen dituzten erabakiak ulertzen; ez zaizkie bidezkoak iruditzen, eta horregatik, aurten posible da talde bakoitzak ordezkari bat izendatu behar izatea. Ordezkari horrek antolatzaileek egiten dituzten batzarretara joan beharko du, eta bilera horietan hartzen diren erabakien gainean eztabaidatzeko aukera izango du.