Logoa

Zine emanaldia atzeratuta

 Aretxabaleta Martitzenean, uztailak 13, hasi behar zen Kultura Saila filmak ematen Herriko plazan. Ezin izan zuten, ordea, arazoak izan dituztelako pantaila kokatzeko. Hurrengo egubakoitzean, uztailak 23, hasiko dira, eta egubakoitzetan bakarrik emango dituzte.

Etxebizitzak egingo dituzte errekaren beste aldean, 428 guztira

 Aretxabaleta Kirol etxe inguruan hasi eta Lausitta kalera bitartean, hau da, errekaren beste aldean etxebizitzak egingo ditu Bruesa enpresa sustatzaileak laster; 428 hain zuzen. Hala onartu zuen udalbatzak osoko bilkuran aldeko 11 boto jasota.

Eudelek adostutako igoera onartu du Udalak langileendako

 Aretxabaleta Udal langileen lan hitzarmena eztabaidatu zuen udalbatzak asteleheneko osoko bilkuran. Eudelek CCOO sindikatuarekin adostutako proposamena bozkatu zuten, hau da, %3,2ko igoera, eta onartu egin zuten aldeko zortzi boto jasota.

Euskal Presoak Euskal Herrira astea

 Aretxabaleta Aretxabaletako Euskal Presoak Euskal Herrira plataformak ekitaldiz betetako egitaraua gertatu dute. Uztailaren 12tik 18ra bitartean egingo dute aurtengo Euskal Presoak Euskal Herrira astea.

Udal etxebizitza politikaren gaineko hitzaldia

 Aretxabaleta Fernando Hevia Aralarkideak eta Laudioko udal arkitektoak emango du hitzaldia. Joxanjel Antxia Aralarreko zinegotziak ere hartuko du parte.

Sentimendu eta gorputz espresioa lantzeko ikastaroa antolatu dute

 Aretxabaleta Atera barruan daukazun haurra izeneko ikastaroa antolatu du Gozatu ekimenak uztailaren 14rako eta 28rako. Helburua da sentimendu eta gorputz espresioa lantzea, jolasen bidez. 18 urtetik gorakoei dago zuzenduta dago ekimen hori.

Pas de Basque ikuskizuna eskainiko du Argia Dantzari Taldeak uztailaren 3an

 Aretxabaleta Argia Dantzari Taldeak Pas de Basque ikuskizuna eskainiko die aretxabaletarrei zapatuan, uztailak 3, kirol etxean. Juan Antonio Urbeltzek zuzentzen duen taldeak 2002an aurkeztu zuen lehen aldiz ikuskizuna, eta geroztik euskal dantzen ikuskizun berritua han eta hemen dabil.

Debarroko Pilota Txapelketako finala jokatuko dute bihar Errasti anaiek

 Aretxabaleta Aurten, iaz bezala, Debarroko Pilota Txapelketako finalean izango dira Errasti anaiak. Bergarako Muguruza eta Gutierrez izango dituzte aurrez aurre. Eskoriatzan jokatuko dute, bihar, ekainak 26, 17:00etan hasita.

Banatu dituzte hemeretzi etxebizitza sozialak

 Aretxabaleta Gaur, ekainak 23, egin dute etxebizitza sozialak banatzeko zozketa. 20 egingo dituzte Tubos lantegi alboan, baina horietatik 18 eman dituzte. Eusko Jaurlaritzako Etxebizitza eta Gizarte Gaietarako sailburu Javier Madrazok hartu du parte ekitaldian.

Agur esan diete ikasleek agustindar elkarteko mojei

 Aretxabaleta Atzo, ekainak 17, egin zuten Santa Rita ikastetxean ikasturte bukaerako festa. Aurten, baina, ikasturteari ezezik, Santa Rita egoitzari eta agustindar elkarteko mojei ere agur esan zieten. Izan ere, datorren kurtsoan mojek ez dute eskolarik emango.

Etxebizitza sozialak ekainaren 23an zozketatuko dituzte

 Aretxabaleta Eusko Jaurlaritzak 20 etxebizitza sozial egingo ditu gaur egun Kaminerokua baserria dagoen lekuan, Bedarretako San Migel auzoan. Lanak noiz hasiko diren oraindik zehazteko dago. Edonola ere, etxebizitza horiek ekainaren 23an zozketatuko dituzte, 12:00etan, udaletxeko ganbaran.

Ia 400 lagunek esku hartu zuen Murrukixoren mendi martxan

 Aretxabaleta Eguraldi bikaina eta parte hartze handia izan ziren atzo Murrukixo taldeak antolatutako mendi martxan. Finkatutako ibilaldia egiteko nahiko denbora bazen ere, lagun bat 10:30etarako Herriko Plazan zen, dutxatuta eta guzti.

Dualia Makina-Erremintaren azokan

 Aretxabaleta BECen dagoen Makina-Erremintaren azokan Debagoieneko hainbat enpresa parte hartu dute. Tartean da Aretxabaletako Dualia enpresa. Atzo, hilak 10, Gipuzkoako Diputatu Nagusiak, Joxe Joan Gonzalez de Txabarrik Dualiako standa bisitatu zuen, Diputazioko beste hainbat kargurekin batera. Gipuzkoako Diputazioa Dualiaren bezero da.

III. Mendi Martxa egingo du Murrukixo MEk domekan

 Aretxabaleta Domekan, ekainak 13, egingo du Murrukixo Mendizale Elkarteak bi urtean behin antolatzen duen mendi ibilaldia. 07:30ean aterako dira mendizaleak Copreci lantegiko aparkalekutik, eta 28 kilometro izango dituzte aurrez aurre.

Udal langileek lanuzteak egingo dituzte

 Aretxabaleta Aretxabaletako udal langileek bat egin dute lan hitzarmena negoziatzeko hainbat udaletan egiten dabiltzan lanuzteekin. Hala, bihartik aurrera, hau da ekainaren 8tik aurrera, ordu beteko lanuzteak egingo dituzte astean hiru egunez. Martitzenetan, eguenetan eta egubakoitzetan egingo dituzte lanuzteak 11:00etatik 12:00etara bitartean.

Gurutze Mujikaren margolanak ikusgai, gaur hasita

 Aretxabaleta Gaur, ekainak 4, hasi eta hilaren 18a bitartean Gurutze Mujikaren margolanak egongo dira ikusgai udaletxeko ganbaran. 18 bat lan erakutsiko die aretxabaletarrei Gurutzek. Gehienak paisaiak dira, eta guztiak azken bi urteotan margotutakoak.

Kontsumo Bus ekimeneko autobusa gaur herrian

 Aretxabaleta Eusko Jaurlaritzako Kontsumo Zuzendaritzak abian jarri du bigarren urtez Kontsumo Bus 2004 ekimena. Horren berri ematen duen autobusa gaur, ekainak 3, Aretxabaletako Durana kalean dago. Kontsumitzaileendako informazioa banatzen dute, baita zalantzak eta kezkak argitu ere.contributors:

Euskara Biziberritzeko Plana jarri du abian Udalak

 Aretxabaleta Euskara Biziberritzeko Plan Nagusia jarri du abian Udalak Eusko Jaurlaritzaren eta Foru Aldundiaren laguntzarekin. Horren berri eman zuten atzo, ekainak 1, egin zuten prentsaurrekoan. Euskara normalizatzea eta esparru guztietan erabili ahal izateko bideak zabaltzea du helburu Udalak plan horrekin.

Udaleku irekietarako izen emate epea zabalik dago

 Aretxabaleta Udaleko Kultura Sailak antolatuta uztailean egingo dituzte udaleku irekiak. Izena emateko epea dagoeneko zabalik dago, eta ekainaren 1a bitartean luzatuko dute. Kultura etxera eroan behar dira izen emate orria, eta Euskadiko Kutxako diru sarreraren egiaztagiria.

Andramaixak gertatzen hasteko jai batzordeak batzarra egingo du

 Aretxabaleta Eguaztenean, maiatzak 26, batuko da jai batzordea Andramaixak gertatzen hasteko. Udaletxean egingo dute batzarra, 20:00etan, eta laguntzeko eta parte hartzeko gertu dauden herritar guztiei egiten die dei Kultura Saileko arduradunek.

Gida komertziala

Gida komertzialeko produktuak

Piercing
Aretxarte sarituak
Kristalen garbiketak
Beatriz Arraindegia
Menua eta razioak
Ekipamenduak