Logoa

Omenaldi hunkigarria Alberto Etxebarriari

 Aretxabaleta Joan den zapatuan hainbat lagun elkartu ziren Alberto Etxebarriari omenaldia egiteko. Goizean, Kurtzebarrian ekitaldi nagusiak egin zituzten. Arratsaldean, bazkaria eta kalejira egin ziren, guztiak ere Albertoren omenez.

Iralabarri kalea izango ote den argitu barik

 Aretxabaleta Herriko artxiboarekin arduratzen den teknikariak, Mertxe Ugartek, ez du Iralabarri izena aurkitu udalaren artxibo historikoan. Batean eta bestean begiratu arren, Beroako guneari erreferentzia egiterakoan, Mitarte izena ageri dela esan digu.

Leire Blazquez-ek 1.300 euroko saria jasoko du nota onak ateratzeagatik

 Aretxabaleta Saria Donostian jasoko du, etzi, egubakoitza. Ohi moduan, karrera amaierako sariak emango dizkie Kutxak, espediente onena duten ikasleei. Aretxabaletarra horietako bat izango da.

Ia 100 lagun joango dira Alberto Etxebarriaren omenezko bazkarira

 Aretxabaleta Albertoren omenaldiko ekintzak zapatu goizean hasiko dira, Kurtzebarrira egingo duten irteerarekin; 09:30ean abiatuko dira Murrukixoren lokaletik hainbat lagun. Ondoren, bazkaria egingo da Taberna-Berri jatetxean. Ia 100 lagun joango dira bazkarira.

120 lagunek ikusi zuten Singing euripean antzezlana

 Aretxabaleta Ikusleak pozik atera ziren Singing euripean antzezlana ikusi ondoren. Emanaldi bi eskaini zituen Trilkimailu taldeak joan den egubakoitzean, eta bietan jendez lepo egon zen udaletxe zaharreko aretoa.

Hodi bat apurtu eta ura ateratzen ari da Durana kalean

 Aretxabaleta Euskalteleko lanak egiten ari diren langileei hodi bat apurtu egin zaie 15:45 inguruan, eta ura hasi da ateratzen. Durana kaletik behera doa ura. Esan dute, laster konponduko dutela.

Ahateei janaria bota ala ez?

 Aretxabaleta Argazki hau astean atera dugu. Gizon bat ari zen errekan bizi diren ahateei ogi puskak botatzen. Askok dute ohitura hori. Baina beste batzuk ez daude ados, eta jana botatzen badiegu arratoiak ugaritzen direla diote. Zuk zer uste duzu.

Hiru aretxabaletar taula gainera igoko dira datorren egubakoitzean

 Aretxabaleta Datorren egubakoitzean, hilak 19, estreinatuko dute Singing euripean antzezlana, herritarrek egin eta antzeztuko dutena. Herrian estreinatu ondoren, beste herri batzuetan antzeztu asmo dute. Egubakoitzean emanaldi bi izango dira: 19:30ean eta 22:00etan, Udaletxe Zaharrean.

UDAk 3-0 irabazi zion Pasaiari

 Aretxabaleta Garaipen handia lortu zuen atzo, domeka, UDAk. 3-0 irabazi zion Pasaiari. Garaipen garrantzitsua, datorren zapatura begira, izan ere, Mondraren kontra derbia jokatuko du, Iturripen, 15:30ean.

Astelehenean jarriko dute ikusgai onartutakoen zerrenda Bruesa enpresan eta Udaletxean

 Aretxabaleta Udalak finkatutako salneurrian salduko diren 185 etxebizitzen harira, datorren astelehenetik aurrera jakin ahal izango da zeintzuk izan diren onartuak. Zerrenda hil honen 15etik aurrera ikusgai izango da Bruesa eraikuntza enpresak Araba etorbidean duen bulegoan, eta Udaletxean. Guztira 286 lagunen eskariak onartu dituzte, baina zerrendatik kanpo geratu direnek, alegazioak aurkezteko aukera izango dute, abenduaren 9a baino lehen. 500 lagunek baino gehiagok egin zuten eskaria.

Hiruatxek webgunea du

 Aretxabaleta Hiruatx, garapen bidean diren herrialdeei laguntzeko taldeak webgunea estreinatu du. www.hiruatx.tk helbidean, taldearen inguruko informazioa aurki daiteke.

Iralabarri kalea izan daiteke

 Aretxabaleta Beroako orubean egiten ari diren etxebizitzen kaleari, Iralabarri kalea izena jarriko diote, seguruen. Atzo, astelehena, egin zen osoko bilkuran, 36ko gerra aurretik gune horri hala deitzen zitzaiola jakinarazi, eta Udalaren artxiboan izen hori agertzen bada behintzat, Iralabarri izena jarriko diotela erabaki zuten zinegotziek. Gerra ostean, Ensanche, eta gero Araba Etorbidea izena jarri zioten gune horri.

Aretxabaleta eta Eskoriatzarako egingo du lan gazte teknikariak

 Aretxabaleta Luzatu egin du Udalak, gazte teknikaria aukeratzeko deialdia. Joan den egubakoitzean bukatu behar zen deialdia, baina luzatzea erabaki dute, gazte teknikari horrek Aretxabaleta eta Eskoriatzarako egingo baitu lan. Gazte teknikari bakarra, bi herrietarako.

Ez diote Beroa kalea izena jarriko

 Aretxabaleta Beroa lantegia zegoen tokian egiten ari diren etxebizitzen kaleari, ez diote Beroa kalea izena jarriko. Astelehenean, hilaren 8an, osoko bilkura egingo da, eta izen hauen artean bat aukeratuko dute zinegotziek: Kalegoixen plaza, Iparralde plaza, Euskal Herriko plaza eta Zuberoa plaza. Arizabala plaza izena ere proposamenen artean zegoen, baina kanpo geratu da.

Durana kalean hasi dira Euskaltelen zuntz optikoa sartzen

 Aretxabaleta Lanek hilabete eta erdi iraungo dute. Herriko beste toki batzuetan egin duten legez, aste honetan Durana kalean hasi dira Euskaltelen zuntz optikoa sartzen.

Alberto Etxebarriaren omenez Kurtzebarrira irteera Murrukixok antolatuta

 Aretxabaleta Azaroaren 22an hasiko da Murrukixoren Mendi Astea, eta 27an, mendi taldearen fundatzaileetarikoa izan zenari, Alberto Etxebarriari omenaldia egingo diote. Kurtzebarrin errautsak zabaldu, eta zuhaitz bat landatuko dute. Bazkaria ere antolatu dute. Irailan hil zen Alberto.

Gazteendako teknikaria kontratatuko du Udalak

 Aretxabaleta Herrian, gazteen arloan hutsunea badela eta, Udalak teknikari bat hartuko du. Gazteei zuzenduko ekintzak antolatzea, eta gazteekin harremanetan jartzea izango dira gazte teknikariaren egitekoak, besteak beste. Gazteen aisialdia antolatzea izango da helburu nagusiena.

UDA Errenteriara joango da bihar partidua jokatzera

 Aretxabaleta Preferente mailako UDAk, bihar, zapatua, 17:00etan jokatuko du partidua Touring taldearen aurka, Errenterian. Neka Galan, entrenatzailearen ustez, partidua zaila izango da, baina UDAkoek alde izango dute azkenaldiko bolada bikaina.

Kirol instalazioen inguruko bigarren hausnarketa gaur

 Aretxabaleta Gaur, 18:30ean, kirol instalazioen alorrean herriak zein behar dituen zehazteko bilera egingo da. Era berean, kudeaketa ereduen gaineko hausnarketa egin, eta salneurri politikaz berba egingo da. Udalak deitu du bilera.

Txinako kutsuaz inauguratu du Coprecik lantegi berria

 Aretxabaleta Joan den egubakoitzean inauguratu zuen Coprecik lantegi berria, Txinan. Argazkiak jasotzen du inaugurazio unea. Zhuhai hiriko alkatea, Espainiako enbaxadorea Txinan, eta Javier Oleaga, Copreci taldeko gerente nagusia ageri dira argazkian.

Gida komertziala

Gida komertzialeko produktuak

Janaria zaldientzat
Menu bereziak taldeka
Garaiko produktuak
Unfeed nahasteak