Logoa

Elbira Zipitriaren biografia aurkeztuko du Resu Abasolo irakasleak

 Aretxabaleta Resu Abasolo irakasle aretxabaletarrak Ilunetik argira: Elbira Zipitria liburua aurkeztuko du bihar, urtarrilak 13, eguena, udaletxe zaharrean, 19:00etan, Juana Lopez de Munain beste egilearekin batera.

Apirilean hasiko dira kultura etxe berria egiten

 Aretxabaleta Kultura etxe berriko proiektua aurreratuta dago, eta datorren astean Alberto Sanz arkitektoak behin betiko proiektua aurkeztuko du Udalean. Proiektua bukatuta, epe bat izango da azken orduko aldaketak egiteko, eta hil bukaeran egingo den osoko bilkuran onartzeko asmoa dute. Egungo kultura etxea bota egingo da, eta berria eraikiko dute herriko plazan. Berriak gainera, solairu bat gehiago izango du. Hiru milioi eta erdi euro gastatuko ditu Udalak.

Hauetako bat aretxabaletarra da

 Aretxabaleta Argazki bitxia iritsi zaiguna. Franco eta Hitler barrez eta ikurrinari eusten. Argazkia ez da aspaldikoa, eta bi diktadoreak inoiz ez ziren ikurrinarekin horrela azaldu. Honako argazkia abenduan ateratakoa da, eta Hitler diktadorearen papera aretxabaletar batek egin zuen. Nor da? Ezagutzen duzu?

Gaur ezohiko batzarra egingo du UDAk

 Aretxabaleta Estatutuen aldaketarako ezohiko bilera egingo du gaur, hilak 7, UDA taldeak. Horretaz gain, baldintza berriak onartzeko asmoa dute, kirolari eta direktiboek egindako lana baloratzerako orduan.

Martitzenerako ikusgai zozketako zerrendak

 Aretxabaleta Bruesa eraikuntza enpresako arduradunen esanetan, datorren martitzenerako, hilaren 28rako, jarriko dute ikusgai atzoko zozketak utzitako zerrenda. Udalak, bere aldetik, erregistroan begiratuko du ea etxebizitza egokitu zaion norbaitek aurrez etxerik ote zuen.

Gazte ugari gaurko zozketan

 Aretxabaleta Aspaldiko partez beteta izan dira kirol etxeko harmailak, 187 etxebizitza sozialean zozketa egin baita gaur goizean. Gazte ugari zeuden zerrendan, eta harmailak ere gazteekin bete dira. Etxebizitza horietako bat erosteko aukera egokitu zaienak pozik atera dira kirol etxetik, kanpoan geratu direnak, berriz, ez hain pozik. Baina etxe horiek merkeak ez direnez, izan da tristura handi barik atera denik ere.

Atzo umeek kantatu zuten, gaur notarioak

 Aretxabaleta Gaur, 185 etxebizitza sozialen zozketa egingo da 11:00etan, kirol etxean. Notarioa, kutxatik ateratako izenen eta zenbakien berri ematen joango da. Atzo, berriz, Leizarra musika eskolaren Gabonetako kontzertua izan zen, eta gaztetxoek kantatu egin zuten parrokian.

Goroetako kanposantuan horma eta hilarriak jausi dira

 Aretxabaleta Goroetako kanposantuan horma zati bat jausi da, eta ondorioz hormatik gertu zeuden hilarri batzuk ere bai. Euriteak eragin du triskantza. Auzokoek esan digutenez, lurrazpitik ura pasatzen da eta urak lurra mugitu du.

Euskaltegiak Eneida Padillari eman dio otarra

 Aretxabaleta Leintz Udal Euskaltegiak Gabonen inguruko lehiaketa deitu, eta Eneida Padilla ikasleak irabazi du. Postalak idatzi, gela dotoretu edo jaiotza antolatu behar zen. Argazkian, eskuman ageri den Eneidarentzat izan dira otarra eta beste sari batzuk.

Zigor eta Aritz musean txapeldun

 Aretxabaleta Joan den zapatuan jokatu zen Muru Alde elkarteko mus txapelketa, eta finalean, Zigor Kintana eta Aritz Iturbek irabazi egin zieten Antxon Altuna eta Koxme Errastiri. Guztiak ageri dira argazkian.

Juantxu eta Uriarte esku pilotako txapeldun

 Aretxabaleta Zapatuan jokatu ziren Aretxabaletan, ibarreko esku pilota txapelketako finalak, eta Arrasateko Juantxuk eta Aretxabaletako Uriartek, erraz menderatu zituzten Asier Muxika eta Josemari Carrillo. 22-9 izan zen emaitza. Juantxu aurrean fin ibili zen, eta Uriarte ziur atzean.

Erantzun ona eman zioten aretxabaletarrek I. Gazte Ekimenaren Jaialdiari

 Aretxabaleta Egubakoitz eta zapatuan truke azoka egin zuten udaletxe zaharrean, eta zapatuan, bazkalostean, kontzertua izan zuten.

Lagun arteko pilota finalak bihar, zapatua

 Aretxabaleta Goizeko 11etatik aurrera, lagunarteko esku pilota txapelketako finalak jokatuko dira Iturrigorri frontoian. Txapeldunak zeintzuk diren jakingo da.

Iaz baino 100 biztanle gehiago herrian

 Aretxabaleta Iaz baino 100 biztanle gehiago daude Aretxabaletako erroldan: 6.385. Hala ere, aurten ere, gehiago izan dira herritik joan direnak etorritakoak baino. 134 etorri dira, eta 143 joan.

Gaztainak jatera irten dira Basabeazpiko umeak

 Aretxabaleta Gabonak ate joka ditugu, negua ere bai, eta Basabeazpiko ikasle eta irakasleek oporrak hartuko dituzte laster. Opor giroan murgiltzen joateko, gaur arratsaldean gaztainak jan dituzte, negu-neguko jakia.

Margolanak ikusgai Udaletxeko ganbaran

 Aretxabaleta Gaurtik aurrera, herriko hamar emakumek egindako margolanak ikusgai daude Udaletxeko ganbaran. Denetariko lanak daude baina bereziki paisaiak eta bodegoiak. Batzuk gainera, orijinalak dira, eta salgai daude.

Abenduaren 22an egingo dute etxebizitza sozialen zozketa

 Aretxabaleta Abenduaren 22an, 11:00etan, egingo da, Udalak finkatutako salneurrian salduko diren etxebizitzen zozketa. Kirol etxean egingo da zozketa, notarioa bertan dela, eta 185 etxebizitza zozketan emango badira ere onartuak izan diren 293 lagunen izenak aterako dituzte.

Udazkenari agur: baita esan ere!

 Aretxabaleta Eguraldi hotz eta euritsuarekin udazkenari agur esan zioten atzo, eguena, Kurtzebarri eskolakoek. Iturrigorri frontoian elkartu ziren guraso, irakasle eta ikasleak giro bikainean. Azpimarratzekoa, lekaixo lehiaketan ikasleek erakutsi zuten gatza eta piperra. Elene Perez izan zen irabazlea.

Argi berdea CVL-ko 121 etxebizitzei

 Aretxabaleta Gipuzkoako Diputazioan gaur, eguaztena, onartu dute, Lausitan, Cerrajera Valle Leniz lantegia dagoen lur eremuari, etxebizitzak egiteko kalifikazioa ematea. Orain arte jarduera ekonomikoetarako zuzenduta zegoen esparru hau.

Herriko hizkera ikertzeko hitzarmena sinatuko dute gaur

 Aretxabaleta Gaur arratsaldean hitzarmena sinatuko du Aretxabaletako Udalak Badihardugu elkartearekin. Herriko hizkera ikertuko du Badiharduguk. Horretarako, pertsona nagusiei elkarrizketak egingo dizkiete, zelan berba egiten duten jasotzeko.

Gida komertziala

Gida komertzialeko produktuak

Neska mutikoak
Taxi zerbitzuak enpresentzat
Delikatesse
Eskola materiala
Haurrentzako gela
Abokatuak