Logoa

Oion-Uriarte bikotea Udaberri Pilota Txapelketako finalean

 Aretxabaleta Apirilaren 15ean, egubakoitza, jokatuko du Oion-Uriarte bikoteak Udaberri Pilota Txapelketako finala. 19:00etan izango da Zumaian, eta Billabonako Bearzana elkarteko pilotariak izango ditu aurrez aurre.

Bertso saioa egingo dute apirilaren 30ean

 Aretxabaleta Aretxabaletako Udalak eta Lanku bertso zerbitzuak antolatuta bertso saioa egingo dute apirilaren 30ean. Luberri izeneko ekimen honekin bertso saioak berreskuratu gura dituzte galdu egin diren herrietan.

Urrezko intsigniak Kepa Azkue eta Erik Gartzia jokalariendako

 Aretxabaleta Urrezko intsignia jasoko dute apirilaren 10ean, domeka, UDA taldeko Kepa Azkue eta Erik Gartzia futbol jokalariek. Arrazoia da 10 urte egin dituztela preferente mailako taldearekin. Intsignia jarri ostean, derbia egongo da, 16:30ean, Ibarra futbol zelaian: Mondra izango dute aurrez aurre aretxabaletarrek.

Hitzaldiak, antzerkia eta euskararen astea dakartza Loramendi Euskara Elkarteak

 Aretxabaleta Loramendi Euskara Elkarteak gaur, apirilak 7, hasiko ditu udaberrirako gertatutako ekitaldiak. Hitzaldiak izango dira nagusi, baina tartean antzerkia izango da Bihotz Bakartien Klubaren eskutik, eta Euskararen Astea maiatzean.

Eguzki plakak jarri dituzte kirol etxean

 Aretxabaleta Eguzki plaka fotovoltaikoak jartzen ibili dira egunotan kirol etxean. Eguzkiak sortzen duen energiari etekina atera gura diote plakekin, eguzkiaren indarra energia elektrikoan birmoldatuz. Kurtzebarri eskolan ere badituzte horrelako plakak.

Etxebizitza sozialetan izena emateko epea zabaldu dute elbarrituendako

 Aretxabaleta Abenduan egin zuten Udalak finkatutako salneurrian salduko diren etxebizitzen zozketa. 185 etxebizitza ziren, horietatik 7 elbarrituendako, baina bakarra aurkeztu zen, eta 6 hutsik geratu ziren. Zerrenda berriro ireki dute elbarrituendako martxoaren 23a bitartean.

Ume zein nagusi guztiak Korrikaren atzetik

 Aretxabaleta Atzo, martxoak 16, pasatu zen Korrika guretik. Untzillan hartu zuten aretxabaletarrek lekukoa, eta 200 lagun inguru hurreratu ziren bertara giro ezin hobea sortuz.

Umeak ere euskararen alde

 Aretxabaleta Korrika Txikia egin dute Kurtzebarri eskolako, eta Basabeazpi eta Almen guneetako ume eta gaztetxoek. Eguraldia lagun gogotsu etorri dira guztiak, eta bizkor egin dute musika eskolan hasi eta Herriko Plazarainoko ibilbidea.

Garapen iraunkorraren gaineko berbaldia egingo dute martxoaren 15ean

 Aretxabaleta Zer da Tokiko Agenda 21? Eta Udaltalde 21 Debagoiena? Gehienok jakin ez arren, herritarron etorkizuna erabakiko duten gaiak jasotzen dituzte. Horren berri emateko berbaldia egingo dute martitzenean, martxoak 15, 19:00etan, udaletxeko ganbaran.

Alebin mailako futbol taldea eskualdeko ligako txapelduna da

 Aretxabaleta Eskualdeko ligako txapelduna da Aretxabaleta Kirol Elkarteko alebin mailako futbol taldea. Martxoaren 20an, Gipuzkoako Txapelketa jokatzen hasiko dira, eta beste eskualde batzuetako txapeldunak izango dituzte aurrez aurre: Lengokoak, Antiguoko eta Tolosa.

Saharako lau ume etor daitezen familiak behar dituzte

 Aretxabaleta Saharako lau ume ekartzeko laguntza ematea erabaki du Udalak. Horretarako familiak behar ditu, eta martxo bukaera arte egongo da izena emateko epea zabalik.

Gipuzkoako Trialsin Txapelketako hirugarren proba egingo dute domekan

 Aretxabaleta Gipuzkoako Trialsin Txapelketako hirugarren proba egingo dute domekan, martxoak 6, kanposantu inguruan. Elurrak eragozten ez badu neska-mutiko asko elkartuko dira, munduko txapeldun izandako batzuk tartean. Horiez gain gura duen guztiak hartu ahal izango du parte.

Bota dute Kaminerokua baserria

 Aretxabaleta Joan zen zapatuan, otsailak 26, bota zuten Tubos de Precision lantegi alboan zegoen Kaminerokua baserria. Bere lekuan etxebizitza sozialak egingo ditu Eusko Jaurlaritzak.

Herritarrek 1.418 euro eman dituzte tsunamiak kaltetutakoei bidaltzeko

 Aretxabaleta Astelehenean, otsailak 28, jaso zuten udaletxeko harreran dirua batzeko jarritako kutxa. Tsunamiak kaltetutakoei laguntzeko ekarpenak zeuden. 1.418 euro eman dituzte herritarrek, eta horiei Udalak emandako ia 7.900 euro batu behar zaizkie.

Hasi dute Antzerki Astea Kurtzebarri eskolan

 Aretxabaleta Otsailak 28, astelehena, hasi dute Antzerki Astea Kurtzebarri eskolan. Lehen emanaldia ikaskideendako izan da, eta hurrengoa, 18:00etan, gurasoendako izango da. Bihar eta etzi ere hainbat antzerki lan eskainiko dizkiete.

Arlutz Xake Taldea denboraldi polita egiten dabil

 Aretxabaleta Iruñako Orvina taldearen aurka jokatu zuen zapatuan, eta bina berdindu zuten partida. Hala, 15 puntu ditu Arlutzek, eta bosgarrena da sailkapenean.

Osasun etxean 20:00ak arte egoten da mediku bat

 Aretxabaleta Hemendik aurrera 20:00ak arte egingo du lan hiru lagunek osatutako taldetxo batek Aretxabaletako osasun etxean. Mediku bat, erizain bat eta administrari bat egongo dira.

Bihar jarriko dute ikusgai tranbiaren erakusketa

 Aretxabaleta Bihar, otsailak 24, jarriko dute ikusgai tranbiaren gaineko erakusketa. 11:00etan egingo dute aurkezpen ekitaldia udaletxean, eta Alvaro Amann sailburua etorriko da.

Preferenteko entrenatzailea aldatu egin du UDAko zuzendaritzak

 Aretxabaleta Neka Galan UDAko preferente taldeko entrenatzailea aldatzea erabaki zuen atzo ilunkaran zuzendaritza taldeak. Felix Reciok hartuko du taldearen gidaritza, orain arte ohorezko mailako gazteen entrenatzailea izan denak.

Hilabete gehiago tranbiari alegazioak aurkezteko

 Aretxabaleta Hilabetez luzatu dute, tranbiari alegazioak aurkezteko aukera. Gaur, martitzena, bukatzen zen horretarako epea, baina gutxienez, hilabetez luzatu dute. Durana eta Mitarte kaleetan bizi diren bizilagun batzuk gutunak banatu dituzte, herritarrei alegazioak bidaltzeko eskatuz. Jaurlaritzara bidali behar dira alegazioak.

Gida komertziala

Gida komertzialeko produktuak

Delikatesse
Apostu gunea
Batxiler hezkuntza