Aretxabaletan: Egibarrek 15 boto, Imazek 9

 Aretxabaleta Aretxabaletako batzokian ere atzo egin zuten aukeraketa Imazen eta Egibarren artean. Joseba Egibarrentzat izan dira 15 boto eta Josu Jon Imazentzat, berriz, 9.contributors:

Liburuxka kaleratu du Hiruatxek

 Aretxabaleta Liburuxka kaleratu du Hiruatx Aretxabaletako hirugarren mundurako taldeak. 12 urtean egindako lana ezagutarazi eta eskertzen diete herritarrei bertan.

Hasi dituzte Gabonetako ekitaldiak Santa Rita ikastetxean

 Aretxabaleta Hainbat ekitaldi izango dituzte astean zehar Santa Rita ikastetxean. Gaur Arizmendiko Almen guneko ikasleen bisita jaso dute.

200 herritarrek egin zuten domekan EHNA

 Aretxabaleta Eguraldi eskasa egin zuen abenduaren 14an; hala ere, herritar ugari hurreratu zen udaletxe zaharrera EHNA tramitatzera. 200 lagun inguruk egin zuten, eta orduan egiterik izan ez zuetenek abenduaren 19an beste aukera bat izango dute.

Omenaldia egin zioten Bixente Etxeandiari

 Aretxabaleta Horrenbeste urtean egindako lana eskertzeko omenaldia egin zioten abenduaren 13an, UDAko presidente Bixente Etxeandiari. Jose Mari Arkauz ohorezko ligako gazteen ordezkariaren ekimenez, egitarau berezia gertatu zuten.

Bazkide kuota igo du San Martin-San Jose Kofradiak

 Aretxabaleta Abenduaren 8an egin zuen San Martin-San Jose Kofradiak urteko batzar orokorra. Bazkide kuota igotzea erabaki zuten bertan, 8 eurotik 12 eurora. Batzordeko kide berriak ere aukeratu zituzten.

Loramendi Euskara Elkarteak webgunea du

 Aretxabaleta Dagoeneko martxan dago Loramendi EEren webgunea. Loramendi EEren historia, konposaketa, albisteak eta beste hainbat kontu dakartza.

Udazkeneko Jaiarekin bukatu zuten giza baloreen astea Kurtzebarri eskolan

 Aretxabaleta Abenduaren 4an egin zuten Udazkeneko Jaiarekin bukatutzat eman zuten Kurtzebarri eskolan giza baloreen astea.

Bai Euskal Herriari taldeak herriko taldeen babesa eskatu du

 Aretxabaleta Azaroan sortu zuten Bai Euskal Herriari taldea Aretxabaletan. EHNA tramitatzea eta gero erabili ahal izateko bidea zabaltzea du helburu. Lehenengo pausoa herriko elkarte eta taldeen atxikimendua lortzea zen, eta jaso dituzte lehenengo erantzunak.

Giza baloreen astea egiten dabiltza Kurtzebarri eskolan

 Aretxabaleta Kurtzebarri eskolak giza baloreen astea antolatu du. Aurten, gure herria Euskal Herria lema hartu dute ardatz eta gaiaren inguruko ekintzak egiten dabiltza.

Negu Kulturaleko aurtengo egitaraua

 Aretxabaleta Gertu dauka Udaleko Kultura Sailak aurtengo negurako egitaraua. Gaur, ez bada bihar, hilak 3, banatuko ditu herriko etxe guztietara. Musika eta Gabonetako ekintzak ditugu nagusi bertan. Lehenengo ekitaldia abenduaren 5ean izango dugu: Sergei Osokin akerdoilari errusiarraren kontzertua.

Ez ohiko osoko bilkura egin zuten hilaren 27an

 Aretxabaleta Ez ohiko osoko bilkura egin zuen Aretxabaletako udalbatzak hilaren 27an. Lau gai izan zituzten eztabaidatzeko, eta pleno aretora agertu ziren 9 zinegotziek aho batez onartu zituzten gai guztiak.

Aurten Gabonetako argi gutxiago jarriko dituzte

 Aretxabaleta Astelehenean jarri zituzten Gabonetako aurreneko argiak. Aurten, lau zuhaitz bakarrik apainduko dituzte. Udalak 1.200 euro gastatu ditu.

Galdaragintza fina lantzeko kooperatiba sortu dute

 Aretxabaleta Kooperatiba berria dugu herrian: Doilan Kooperatiba Elkartea. Lau bazkideren artean sortu dute eta galdaragintza fina egingo dute. Aretxabaletako Institutuarekin, gainera, lankidetza hitzarmena sinatu dute ikasleek praktikak egin ditzaten.

Euskaltel-Euskadi txirrindulari taldeko arduradunak eta txirrindulariak izan dira herrian

 Aretxabaleta Muru-Alde elkarteak gonbidatuta Euskaltel-Euskadi txirrindulari taldeko arduradunak Migel Madariaga eta Julian Gorospe, eta lau txirrindulari Iban Mayo, Haimar Zubeldia, Joseba Zubeldia eta Dioni Galparsoro izan ziren atzo ilunkaran Aretxabaletan.

Banakako entrenamenduak egiteko zerbitzu berria Kirol etxean

 Aretxabaleta Kirola modu egokian nola egin irakatsiko die bezeroei banakako entrenamenduak. Bixen Calzon izango da zerbitzu berriren arduraduna eta interesatuek 60 euro ordaindu beharko dute.

Aretxabaletar batzuen proiektua Toribio Echevarria sarietan finalista da

 Aretxabaleta Sormen eta eraberrikuntza teknologiazko proiektuei eta enpresa asmo berriei zuzenduta Eibarko Udalak eta BIC Gipuzkoa Berrilanek Toribio Echevarria lehiaketa antolatzen dute. Aurten, aretxabaletar batzuen proiektua hautatu dute finalista izateko.

Abian da XV. Loramendi Literatura Lehiaketa

 Aretxabaleta XV. Loramendi Literatura Lehiaketa antolatu du Loramendi EEk urtero legez. Lehen Hezkuntzako eta DBHko ikasleei zuzendutako lehiaketa da; aurten, ostera, Batxilergokoek ere badute parte hartzeko aukera.

Errekaren beste aldean etxebizitzak egiteko hasierako onarpena egin dute

 Aretxabaleta Deba errekaren beste aldean etxebizitzak egiteko egitasmoa aurrera doa. Orain aste bi egin zuten osoko bilkuran hasierako onarpena adostu zuen udalbatzak, eta alegazioak aurkezteko epea zabalduko dute.

Errekaren beste aldean etxebizitzak egiteko hasierako onarpena egin dute

 Aretxabaleta Deba errekaren beste aldean etxebizitzak egiteko egitasmoa aurrera doa. Orain aste bi egin zuten osoko bilkuran hasierako onarpena adostu zuen udalbatzak, eta alegazioak aurkezteko epea zabalduko dute.

Gida komertziala

Gida komertzialeko produktuak

Bazkari eta afariak
Emakumezkoendako lurrinak
Abokatuak
Auto tailerra