Gimnasia erritmikoko Gipuzkoako eskolarteko igoera fasea domekan Ibarra kiroldegian

Mirari Altube Arrese 2017ko mar. 11a, 09:13
Gimnasia erritmiko alebinak traje berriekin.

Gimnasia erritmikoko Gipuzkoako eskolarteko lehenengo igoera fasea jokatuko dute domekan, Ibarra kiroldegian 10:00etan hasi eta 13:30ak bitartean. Alebinak, infantilak eta gazteak elkartuko dira, 245 gimnasta, eta UDAko alebinak ere han izango dira.

Esther Barcenilla entrenatzailearen gidaritzapean lanean diharduten hamabost gimnastek ordezkatuko dute Aretxabaleta kirol elkartea, bost laguneko hiru taldetan banatuta; hona hemen gimnasta horiek: Nahia Martinez, Nikole Gonzalez, Maialen Lasaga, Lierni Irusta, Naroa Fernandez de Arroiabe, Maddi Decesero, Ariane Caballero, Garazi Miguel, Uxue Astola, Garazi Mete, Jon Ander Urrutia, Maren Garai, Ainhoa Caballero, Nahia Vales eta Paule Meabe. "Gimnasta alebinek lehenengoz jokatuko dute txapelketa bat etxean eta ilusio handiarekin daude", jakinarazi du Barcenillak.

Traje berriak

Halako txapelketa bat lehenengoz jokatzen dela Aretxabaletan aprobetxatuta traje berriak estreinatuko dituzte: "Koloretsuak eta ikusgarriak dira. Ea ikusleek ere gustuko dituzten, geu oso gustura geratu gara eta", dio entrenatzaileak.

245 gimnasta

Guztira 245 gimnasta inguru elkartuko dira Ibarra kiroldegian, gehienak Donostialdetik etorritakoak: Oiartzun, Irun, Tolosa… Aretxabaletarrekin batera Arrasateko Dragoi gimnasia taldekoek ere jardungo dute.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak